നവ മാധ്യമ കൂട്ടായ്മകൾ നേരിന്റെ വാഹകരാകണം:ചെർക്കളം

കുമ്പള :(www.evisionnews.in) നേരായ സന്ദേശങ്ങളെ ജനങ്ങളിലെത്തിക്കാനും സമൂഹത്തിൽ പരസ്പര സ്നേഹത്തിന്റെയും രാജ്യത്തോടുള്ള പ്രതിബദ്ധതയുടെയും സംസ്‌കാരം വളർത്താനും സോഷ്യൽ മീഡിയകൂട്ടായ്മകൾ മുന്നോട്ട് വരണമെന്ന് മുസ്ലിം ലീഗ് ജില്ലാ പ്രസിഡന്റ് ചെർക്കളം അബ്ദുള്ള ആഹ്വാനം ചെയ്തു. മതേതര ഭാരതത്തിന്റെ യശ്ശസ് കാക്കാൻ ഗ്രീൻഹൗസ്  പോലെയുള്ള കൂട്ടായ്മകൾ നടത്തുന്ന ശ്രമങ്ങൾ ശ്‌ളാഘനീയമാണെന്നും അദ്ദേഹം പറഞ്ഞു. മഞ്ചേശ്വരം മണ്ഡലത്തിലെ മുസ്ലിം ലീഗ് പ്രവർത്തകരുടെ സൈബർ കൂട്ടായ്മയായ ഗ്രീൻ ഹൗസ് മണ്ഡലത്തിലെ പാവപ്പെട്ടവർക്കായി നിർമിച്ചുനൽകുന്ന ബൈത്തുറഹ്മ കാരുണ്യ ഭാവന പദ്ധതിയിലെ ആദ്യത്തെ വീടിന്റെ താക്കോൽ ദാന സമ്മേളനം കുമ്പള ഉളുവാറിൽ ഉദ്ഘാടനം ചെയ്‌ത്‌ സംസാരിക്കുകയായിരുന്നു ചെർക്കളം. കുമ്പോൽ സയ്യിദ്ജഅഫർ സാദിഖ് തങ്ങൾ താക്കോൽ ദാനം നിർവഹിച്ചു. കാരുണ്യ-വിദ്യാഭ്യാസ മേഖലയിലെ സ്തുത്യർഹമായ സേവനത്തിന്സായിറാം ഭട്ട്, ജോസഫ് ക്രാസ്റ്റ, എം.എസ് ഖാലിദ് ബാഖവിഎന്നിവരെ ചടങ്ങിൽ ആദരിച്ചു. അസീസ് ഉളുവാർ അധ്യക്ഷത വഹിച്ചു. കെ.പി.സി.സി ജനറൽ സെക്രട്ടറി കെ.പി കുഞ്ഞിക്കണ്ണൻ മുഖ്യാതിഥിയായിരുന്നു. അഡ്വ. ഹനീഫ് ഹുദവി മുഖ്യപ്രഭാഷണംനടത്തി.

മുസ്ലിം ലീഗിനെയും വിവിധ സംഘടനകളെയും പ്രതിനിധീകരിച്ച്എ.കെ.എം അഷ്‌റഫ്, എം. അബ്ദുല്ല മുഗു, എം. അബ്ബാസ്, എ.കെആരിഫ്, അബ്ദുൾറഹ്മാൻ ബന്ദിയോട്, ഹനീഫ് കൽമാട്ട, ഹസൻബത്തേരി, മഹമൂദ് മുട്ടം, അഷ്റഫ് ബലക്കാട്, സത്താർ ആരിക്കാടിഎന്നിവർ പ്രസംഗിച്ചു യൂസുഫ് ഉളുവാർ സ്വാഗതവും മജീദ് പച്ചമ്പള നന്ദിയും പറഞ്ഞു