മഞ്ചേശ്വരത്ത് ഐ.എൻ.എല്ലിൽ നിന്നും ആരും രാജിവെച്ചിട്ടില്ലെന്ന് നേതാക്കൾ

ഉപ്പള:(www.evisionnews.in) മുസ്‌ലിം ലീഗ് നേതാവ് കെ.കെ. അബ്ദുല്ലകുഞ്ഞിയോടൊപ്പം മഞ്ചേശ്വരം മണ്ഡലത്തിൽ നിന്ന് സി.പി.എമ്മിൽ ചേരുന്ന പ്രവർത്തകരോടൊപ്പം ഐ.എൻ.എൽ.പ്രവർത്തകരായ കെ.എസ്.ഖാലിദ്, ബി.പി.അബ്ദുല്ല എന്നിവർ രാജിവെച്ചതായ വാർത്ത ശരിയല്ലെന്നും ഇവർ ഐ.എൻ.എൽ.പ്രവർത്തകരല്ലെന്നും ഐ.എൻ.എൽ. മഞ്ചേശ്വരം മണ്ഡലം പ്രസിഡണ്ട് സഫറുള്ള ഹാജി പട്ടേൽ, ജനറൽ സെക്രട്ടറി അഡ്വ: ശൈഖ് ഹനീഫ് എന്നിവർ സംയുക്ത പ്രസ്താവനയിൽ അറിയിച്ചു. ഐ.എൻ.എൽ.പ്രവർത്തകർ എന്നവകാശപ്പെട്ട് കെ.കെ.അബ്ദുല്ലക്കുഞ്ഞിയോടൊപ്പം പത്രസമ്മേളനത്തിൽ പങ്കെടുത്ത ഇവർ ഐ.എൻ.എൽ. മെമ്പർഷിപ്പ് ഹാജരാക്കാൻ തയ്യാറുണ്ടോ എന്ന് ഐ.എൻ.എൽ. മണ്ഡലം നേതാക്കൾ വെല്ലുവിളിച്ചു.