കട്ടത്തടുക്കയിൽ വീട്ടിൽ വൻ കവർച്ച:15 പവന്‍ സ്വര്‍ണാഭരണവും ഫോണുകളും കവര്‍ന്നു

കട്ടത്തടുക്ക:(www.evisionnews.in)കട്ടത്തടുക്കയിൽ വീട്ടിൽ വൻ കവർച്ച.15 പവന്‍ സ്വര്‍ണാഭരണവും ഫോണുകളും കവര്‍ന്നു. വീട്ടുകാര്‍ വീടുപൂട്ടി പുറത്തുപൊകുമ്പോള്‍ വീടിന്റെ ചുമരില്‍ രഹസ്യമായി സൂക്ഷിച്ചുവെച്ച താക്കോല്‍ കൈക്കലാക്കിയാണ് കവർച്ച  നടത്തിയത്. കട്ടത്തടുക്ക മുഹിമ്മാത്ത് നഗറിലെ കര്‍ഷകന്‍ അബ്ദുല്ല കുഞ്ഞിയുടെ വീട്ടിലാണ് കവര്‍ച്ച നടന്നത്. വീട്ടുകാര്‍ വീട് പൂട്ടി ഒരു ചടങ്ങില്‍ പങ്കെടുക്കാന്‍ പോയതായിരുന്നു. വീടിന്റെ ചുമര്‍ ഭാഗത്ത് താക്കോല്‍ ഒളിച്ചുവെച്ചതായിരുന്നു. വൈകിട്ട് തിരിച്ചെത്തിയപ്പോഴാണ് കവര്‍ച്ച നടന്നതായി അറിയുന്നത്. അകത്തെ അലമാരയില്‍ സൂക്ഷിച്ച സ്വര്‍ണാഭരണങ്ങളും മേശപ്പുറത്ത് വെച്ചിരുന്ന മൊബൈല്‍ ഫോണുകളുമാണ് കവര്‍ന്നത്.സംഭവത്തിൽ കുമ്പള പോലീസ് അന്വേഷണം ആരംഭിച്ചു.