നീലേശ്വരത്ത് കാൽനടയാത്രക്കാരന് ഓട്ടോ ഇടിച്ച് ഗുരുതരം

നീലേശ്വരം :(www.evisionnews.in) കാൽനടയാത്രക്കാരനു ഓട്ടോ ഇടിച്ചു ഗുരുതര പരുക്ക്.നീലേശ്വരം സിറ്റിസെന്ററിലെ സിഗ്‌നറ്റ്‌സ് ഗ്രാഫിക്‌സ് ഉടമയും പാലക്കാട്ട് റസിഡന്റ്‌സ് അസോസിയേഷൻ പ്രസിഡന്റുമായ നീലേശ്വരം പാലക്കാട്ടെ കെ.വി.സുരേഷ് കുമാറി (45) നാണു പരുക്കേറ്റത്. കഴിഞ്ഞ ദിവസം രാത്രി എട്ടോടെ കോൺവന്റ് ജംക്ഷനു സമീപം നിൽക്കുമ്പോൾ ചാളക്കടവ് ഭാഗത്തു നിന്ന് അതിവേഗം ഓടിച്ചു വന്ന ഓട്ടോ ഇടിക്കുകയായിരുന്നു. ഡ്രൈവർ മദ്യലഹരിയിലായിരുന്നുവെന്നു സുരേഷ് കുമാർ പറഞ്ഞു. ചുമലെല്ലിനു ഗുരുതര പരുക്കുണ്ട്. നീലേശ്വരം പൊലീസ് കേസ് എടുത്തു.