പാചകവാതക വില സിലണ്ടറിന് 32 രൂപ വർധിച്ചു

ന്യൂഡല്‍ഹി:(www.evisionnews.in)  സബ്‌സിഡിയുള്ള പാചകവാതകത്തിന്റെ വില സിലണ്ടറിന് 32 രൂപ കൂടി. ജി.എസ്.ടി പ്രാബല്യത്തില്‍ വന്നതോടെയാണ് വില കൂടിയത്.ആറ് വര്‍ഷത്തെ ഏറ്റവും വലിയ വില വര്‍ധനയാണിത്. ഡല്‍ഹിയില്‍ 14.2 കിലോയുടെ സിലണ്ടറിന് 446.65 ആയിരുന്നത് 477.46 ആയി വര്‍ധിച്ചു. കേന്ദ്ര, സംസ്ഥാന ചുങ്കം ഉള്‍പ്പടെ നിലവിലുണ്ടായിരുന്നതിന് പകരമായി ജിഎസ്ടി വന്നപ്പോള്‍ 5 ശതമാനമാണ് പാചകവാതകത്തിന് നികുതി ഏര്‍പ്പെടുത്തിയത്. മുംബൈയില്‍ നേരത്തെ മൂന്നു ശതമാനം വാറ്റ് കൂടുതലുണ്ടായിരുന്നതിനാല്‍ സിലണ്ടറിന് വില ഡല്‍ഹിയെ അപേക്ഷിച്ച് 14.28 രൂപ കൂടി വര്‍ധിച്ച് 491.25 രൂപയാകും. സബ്‌സിഡിയില്ലാത്ത സിലണ്ടറിന് 11.5 രൂപ വര്‍ധിച്ച് 564 രൂപയായി. സബ്‌സിഡിയില്ലാത്ത സിലണ്ടറിന് 18 ശതമാനമാണ് ജിഎസ്ടി.