വിസ്മയ കാഴ്ചയൊരുക്കി ചെമ്മനാട് വെസ്റ്റ് യുപി സ്‌കൂളിൽ ചാന്ദ്രദിനം

ചെമ്മനാട്:(www.evisionnews.in) ചെമ്മനാട് വെസ്റ്റ് യുപി സ്‌കൂളിൽ കുട്ടികൾക്ക് അത്ഭുതക്കാഴ്ചകളേകി ചാന്ദ്രമനുഷ്യൻ ഭൂമിയിലിറങ്ങി. ചാന്ദ്രദിനത്തോടനുബന്ധിച്ചാണ് ജി.യു.പി.എസ് ചെമ്മനാട് വെസ്റ്റിൽ ബഹിരാകാശ വേഷമണിഞ്ഞ സഞ്ചാരി എത്തിയത്. അത്ഭുതം കൂറിയ കുട്ടികൾ ചാന്ദ്രമനുഷ്യനോട് ഒട്ടേറെ ചോദ്യങ്ങൾ ചോദിച്ചു. ചോദ്യങ്ങൾക്ക് കൃത്യമായ ഉത്തരങ്ങൾ കിട്ടിയപ്പോൾ ആഹ്ലാദാരവങ്ങൾ മുഴക്കി കുട്ടികൾ കൈയടിച്ചു.നാലാം തരത്തിലെ ദേവനന്ദയാണ് ബഹിരാകാശ സഞ്ചാരിയായി തങ്ങളുടെ മുന്നിലെത്തിയതെന്ന് അവർക്ക് വിശ്വസിക്കാനായില്ല.കൂടാതെ ക്വിസ് ,ചാർട്ട് നിർമാണം, കാർട്ടൂൺ, ചിത്രരചന, ഡമോൺസ്ട്രേഷൻ, ചലച്ചിത്ര ഗാനാലാപനം, അടിക്കുറിപ്പ് തയ്യാറാക്കൽ തുടങ്ങിയ വ്യത്യസ്ത പരിപാടികളും സംഘടിപ്പിച്ചു. ഹെഡ്മാസ്റ്റർ ശ്രീമതി സി.പ്രഭാകുമാരി, ശശി മാസ്റ്റർ, ശ്രീജ ടീച്ചർ, രശ്മി ടീച്ചർ എന്നിവർ നേതൃത്വം നൽകി