നടിയെ ആക്രമിച്ച കേസ്: മാധ്യമങ്ങളെ വിമർശിച്ച് നാദിർഷയുടെ ഫേസ് ബുക്ക് പോസ്റ്റ്

കൊച്ചി:www.evisionnews.in)നടിയെ ആക്രമിച്ച കേസ് റിപ്പോർ‌ട്ട് ചെയ്ത മാധ്യമങ്ങളെ വിമർശിച്ച് നാദിർഷ രംഗത്ത്. ഫെയ്സ്ബുക്കിലാണ് മാധ്യമങ്ങളെ നിശിതമായി വിമർശിക്കുന്ന പോസ്റ്റ് നാദിർഷ ഇട്ടത്. ആലുവ റൂറൽ എസ്.പി മാധ്യമങ്ങളോട് സംസാരിക്കുന്ന വിഡിയോ ആണ് വിമർശനക്കുറിപ്പോടെ നാദിർഷ ഫെയ്സ്ബുക്കിൽ പോസ്റ്റ് ചെയ്തത്.‘‘മാധ്യമങ്ങളേ വിശ്വസിച്ച് പോരുന്നവർ ദയവ് ചെയ്ത് ഈ വീഡിയോ കാണരുത്... അതല്ല പോലീസിലും, ഇവിടുത്തെ അന്വേഷണ രീതിയും ആണ് നിങ്ങള്‍ ഉറ്റ് നോക്കുന്നതെങ്കിൽ ആലുവ റൂറൽ എസ്.പി ഈ പറയുന്ന വാക്കുകള്‍ കേൾക്കുക. മാധ്യമങ്ങൾ ഇവിടെ എന്താണ് ചെയ്യുന്നതെന്ന് ചിലർക്കെങ്കിലും അപ്പോള്‍ മനസ്സിലാകും’’ ഇങ്ങനെയാണ് അദ്ദേഹം ഫെയ്സ്ബുക്കിൽ കുറിച്ചത്. ഒപ്പം വിഡിയോയും പങ്കു വച്ചിട്ടുണ്ട്.