മയിലാട്ടിയില്‍ ബൈക്കില്‍ ലോറിയിടിച്ച് അധ്യാപകന് ഗുരുതരം

പൊയിനാച്ചി (www.evisionnews.in): ലോറിയിടിച്ച് ബൈക്ക് യാത്രികന് ഗുരുതരമായി പരിക്കേറ്റു. പാലക്കുന്ന് സ്വകാര്യ വിദ്യാഭ്യാസ സ്ഥാപനത്തിലെ അധ്യാപകനും ബാര ഞെക്ലിയിലെ ഗോപാലന്റെ മകനുമായ അജീഷി (30)നാണ് പരിക്കേറ്റത്. വെള്ളിയാഴ്ച രാവിലെ 7.30 മണിയോടെ മയിലാട്ടി ദേശീയപാതയിലാണ് അപകടം.

അജീഷ് സഞ്ചരിച്ച ബൈക്കില്‍ എതിരെവരികയായിരുന്ന ലോറി ഇടിക്കുകയായിരുന്നു. റോഡിലേക്ക് തെറിച്ചുവീണ അജീഷിനെ ഉടന്‍ ആശുപത്രിയിലെത്തിച്ചെങ്കിലും നില ഗുരുതരമായതിനാല്‍ പിന്നീട് മംഗളൂരുവിലേക്ക് കൊണ്ടുപോയി. സംഭവത്തില്‍ ലോറി ഡ്രൈവര്‍ക്കെതിരെ ബേക്കല്‍ പോലീസ് കേസെടുത്തു.