കാസര്‍കോട് (www.evisionnews.in): 'ഖുര്‍ആന്‍ സുകൃതങ്ങളുടെ വചനപ്പൊരുള്‍' എന്ന പ്രമേയത്തില്‍ എസ്.കെ.എസ്.എസ്.എഫ് നടത്തുന്ന റംസാന്‍ ക്യാമ്പയിന്റെ ഭാഗമായി ജില്ലാ കമ്മിറ്റി നടത്തുന്ന റംസാന്‍ പ്രഭാഷണത്തിന് നാളെ കാസര്‍കോട് പുതിയ ബസ് സ്റ്റാന്റ് പരിസത്ത് പ്രത്യേകം സജ്ജമാക്കിയ ശംസുല്‍ ഉലമ നഗറില്‍ തുടക്കമാകും.
രാവിലെ 9.30ന് എസ്.വൈ.എസ് സംസ്ഥാന വൈസ് പ്രസിഡണ്ട് മെട്രോ മുഹമ്മദ് ഹാജി പ്രഭാഷണ നഗരിയില്‍ പതാക ഉയര്‍ത്തുന്നതോടെ മൂന്നുദിവസം നീണ്ടുനില്‍ക്കുന്ന പരിപാടിക്ക് തുടക്കമാവും. എസ്.കെ.എസ്.എസ്.എഫ് ജില്ലാ പ്രസിഡണ്ട് താജുദ്ദീന്‍ ദാരിമി പടന്ന അധ്യക്ഷത വഹിച്ചു. സമസ്ത ജില്ലാ പ്രസിഡണ്ട് ഖാസി ത്വാഖ അഹമ്മദ് മൗലവി ഉദ്ഘാടനം ചെയ്യും. ജില്ലാ ജനറല്‍ സെക്രട്ടറി ഹാരിസ് ദാരിമി ബെദിര സ്വാഗതം പറയും. തുടര്‍ന്ന് പ്രമുഖ പ്രഭാഷകന്‍ ബഹു: സിം സാറുല്‍ ഹഖ് ഹുദവി അബുദാബി മുഖ്യപ്രഭാഷണം നടത്തും.
സമാപന കൂട്ടപ്രാര്‍ത്ഥനക്ക് സയ്യിദ് മഹ്മൂദ് സഫ്‌വാന്‍ തങ്ങള്‍ ഏഴിമല നേതൃത്വം നല്‍കും. ആയിരക്കണക്കിന് വിശ്വാസികള്‍ക്ക് പ്രഭാഷണം ശ്രവിക്കാന്‍ വിശാലമായ പന്തല്‍ സൗകര്യവും സത്രീകള്‍ക്ക് പ്രത്യേക സ്ഥലസൗകര്യവും ഒരുക്കിയിട്ടുണ്ട്. ഞായറാഴ്ച റഹ്മത്തുള്ള ഖാസിമിയുടെ പ്രഭാഷണവും സമാപന ദിവസം കീച്ചേരി അബ്ദുല്‍ ഗഫൂര്‍ മൗലവിയും പ്രഭാഷണം നടത്തും സയ്യിദ് എന്‍.പി.എം സൈനുല്‍ ആബിദീന്‍ തങ്ങളുടെ നേതൃത്വത്തിലുള്ള മജ്‌ലിസുന്നൂറോടുകൂടി പരിപാടി സമാപിക്കും.
Post a Comment
0 Comments