സൗദിഅറേബ്യ: (www.evisionnews.in) കാസർകോട്ടു കാരുടെ ദമ്മാമിലെ ഫുട്ബാൾ ക്ലബ് ആയ സോക്കാർ കെ എൽ 14 എഫ്‌സി ഈദ് ദിനത്തിൽ സംഘടിപ്പിച്ച ടൈം ട്രോഫി ഫുട്ബോൾ മാമാങ്കത്തിൽ ബ്രൂക്ക് ഗാലറി ദമ്മാം ജേതാക്കൾ ആയി.
ടൂർണമെന്റിൽ കിഴക്കൻ പ്രവിശ്യയിലെ പ്രമുഖ ടീമുകളായ ബ്ലുമാർട്ട് ജുബൈൽ, സമി പ്രോജക്ട് സൊല്യൂഷൻസ് ജുബൈൽ, സ്റ്റാർ സർവീസ് ദമ്മാം, ഗല്ലോപ് ദമ്മാം, ബ്രൂക്ക് ഗാലറി ദമ്മാം, ഗ്ലോബൽ പീഗന്റ് സ്‌ട്രൈക്കേഴ്‌സ്, ടേസ്റ്റി ബ്ലാസ്റ്റേഴ്‌സ്, സാഫ്‌റോൺ കെട്ടൽ ദമ്മാം എന്നീ ടീമുകൾ മാറ്റുരച്ചു.
ഒന്നാം പകുതിയുടെ 7 ആം മിനുറ്റിൽ തന്നെ ബ്രൂക്കിന് വേണ്ടി ഷാഹിദ് ചെർക്കള വല കുലുക്കി.ഇത് സാഫ്രോൺ കെട്ടിലിനെ സമ്മർദ്ദത്തിൽ ആക്കി. കളിയിലുടനീളം ആക്രമിച്ചു കളിച്ച സഫ്‌റോൺ ബ്രൂക്കിന്റെ പ്രതിരോധത്തിന് മുന്നിൽ അടിയറവ് പറഞ്ഞു. കളിയിലെ മികച്ച കളിക്കാരനായി സൈഫുദ്ദിൻ പൂമോനെ തിരഞ്ഞെടുത്തു . ജേതാക്കൾക്കുള്ള ട്രോഫി പ്രോഗ്രാം കമ്മിറ്റി കൺവീനർ ജംഷാദ് മൊഗ്രാൽ സമ്മാനിച്ചു മത്സരം വീക്ഷിക്കാൻ ബ്രൂക്ക് ഗാലറി ടീം ഉടമ ഹനീഫ് തെക്കിലും ടീം മാനേജർ ഇർഷാദ് കളനാടും എത്തിയിരുന്നു.
Post a Comment
0 Comments