കാസര്‍കോട് :(www.evisionnews.in) ഖത്തർ കാസർകോട് മണ്ഡലം കെ എം സി സി കമ്മിറ്റി എരിയാൽ ബ്ലാർക്കോട് നിര്‍മിച്ചു നല്‍കുന്ന ആദ്യത്തെ ബൈത്ത്‌റഹ് മ സമർപ്പണം ജൂലൈ 1 ന് ശനിയാഴ്ച വൈകുന്നേരം നാല് മണിക്ക് നടക്കും.
എരിയാൽ ടൗണിൽ സംഘടിപ്പിക്കുന്ന ചടങ്ങിൽ ജില്ലാ മുസ്ലിം ലീഗ് പ്രസിഡണ്ട് ചെർക്കളം അബ്ദുല്ല താക്കോൽ ദാനം നിർവഹിക്കും.
വീട് എന്ന സ്വപ്നം യാഥാര്‍ത്ഥ്യമാക്കാന്‍ സാധിക്കാത്ത നിര്‍ധന കുടുംബങ്ങള്‍ക്ക് കാരുണ്യത്തിന്റെ തണലായി പാണക്കാട് സയ്യിദ് മുഹമ്മദലി ശിഹാബ് തങ്ങളുടെ നാമധേയത്തില്‍ മണ്ഡലത്തിലെ ഓരോ പഞ്ചായത്തിലും നഗരസഭയിലും നടപ്പിലാക്കുന്ന ഭവന പദ്ധതിയിലെ ആദ്യത്തെ ബൈത്തുറഹ്മ സമർപ്പണമാണ് മൊഗ്രാൽ പഞ്ചായത്തിലെ എരിയാലിൽ നടക്കുന്നത്.
ചടങ്ങില്‍ മുസ്ലിം ലീഗ്, യൂത്ത് ലീഗ്, എം എസ് എഫ് , കെ എം സി സി സംസ്ഥാന ജില്ലാ , മണ്ഡലം നേതാക്കൾ സംബന്ധിക്കും.നാട്ടിലുള്ള മുഴുവന്‍ കെ എം സി സി പ്രവര്‍ത്തകരും പങ്കെടുക്കണമെന്ന് പ്രസിഡന്റ് മൊയ്തീൻ ആദൂർ , ജനറല്‍ സെക്രട്ടറി ഷാനിഫ് പൈക്ക , ട്രഷറര്‍ ഹാരിസ് എരിയാൽ എന്നിവര്‍ പത്രക്കുറിപ്പിൽ അറിയിച്ചു.
Post a Comment
0 Comments