പുണ്യ റമദാനിൽ ജീവ കാരുണ്യ രംഗത്ത് സജീവമായി മുഹമ്മദ് റാഫി

മൊഗ്രാൽ:(www.evisionnews.in)ഇന്ത്യൻ സോക്കർ ലീഗ് അടക്കമുള്ള ഫുട്ബാൾ മൈതാനങ്ങളിൽ തീപാറുന്ന ഷോട്ടുകളിലൂടെയും വിസ്മയിപ്പിക്കുന്ന ഹെഡറുകളിലൂടെയും കാണികളുടെ സിരകളെ ത്രസിപ്പിച്ച മുഹമ്മദ് റാഫി പരിശുദ്ധ റമദാനിൽ എല്ലാം മാറ്റിവെച്ച് റാഫി ഫൗണ്ടേഷന്റെ കീഴിൽ ജീവ കാരുണ്യ രംഗത്ത് സജീവമാകുന്നു. ഇതിന്റെ ഭാഗമായി ജില്ലയിലെ വിവിധ വിദ്യാലങ്ങളിലെ പ്രതിഭാശാലികളും നിർധനരുമായ വിദ്യാർത്ഥികൾക്ക് ഒരു വർഷത്തേക്കുള്ള സ്കോളർഷിപ്പുകൾ ഫൗണ്ടേഷൻ വഴി വിതരണം ചെയ്തു വരുന്നു. മൊഗ്രാൽ ഗവ.വൊക്കേഷണൽ ഹയർ സെക്കന്ററി സ്കൂളിലെ വിദ്യാർഥിനിക്കുള്ള സ്കോളർഷിപ്പ് അൽ ഫലാഹ് ഗ്രൂപ്പിന്റെ സഹകരണത്തോടെ സ്കൂളിൽ നടന്ന ചടങ്ങിൽ വെച്ച് ഹയർ സെക്കന്ററി പ്രിൻസിപ്പൽ ഇൻ ചാർജ് ബിജു മാസ്റ്റർക്ക് മുഹമ്മദ് റാഫി കൈമാറി. ചടങ്ങിൽ പി.ടി.എ.പ്രസിഡന്റ്: എ.എം സിദ്ദീഖ് റഹിമാൻ അധ്യക്ഷത വഹിച്ചു.റാഫി ഫൗണ്ടേഷൻ ചെയർമാൻ മുഹമ്മദ് റാഫി ഉദ്‌ഘാടനം ചെയ്തു. ഹെഡ്മാസ്റ്റർ യതീഷ് കുമാർ, അൽ ഫലാഹ് ഗ്രൂപ്പ് ജന.കൺവീനർ:അഷ്‌റഫ് കർള, ടി.എം ഷുഹൈബ്, ഷക്കീൽ അബ്ദുല്ല, അഷ്‌റഫ് പെർവാഡ്, ആസിഫ് മഞ്ചേശ്വരം,നിസാർ ചിത്താരി, മുഹമ്മദ് അബ്‌കോ പ്രസംഗിച്ചു.ബിജു മാസ്റ്റർ സ്വാഗതവും,ഷൈൻ മാസ്റ്റർ നന്ദിയും പറഞ്ഞു.



keywords-muhammed rafi-foundation