ബദിയടുക്ക : മുസ്ലിം യൂത്ത് ലീഗ് ബദിയടുക്ക പഞ്ചായത്ത് കമ്മിറ്റിയുടെ നേതൃത്ത്വത്തില്‍ നടത്തുന്ന ജല ക്യാമ്പയിന്‍റെ ഉദ്ഘാടനം മുസ്ലിം ലീഗ് ബദിയടുക്ക പഞ്ചായത്ത് ജനറല്‍ സെക്രട്ടറി അന്‍വര്‍ ഓസോണ്‍ നിര്‍വഹിച്ചു. ജല സംരക്ഷണ ക്യാമ്പയിന്‍റെ ഭാഗമായി കോട്ട പൊതു കുളം നവീകരിച്ചു. വിവിധ ശാഖകളില്‍ ജലസഭയും ലഘുലേഖ വിതരണവും നടത്തും. ജല സഭയില്‍ യൂത്ത് ലീഗ് പഞ്ചായത്ത് പ്രസിഡന്‍റ് അസീസ് പെരഡാല അദ്ധ്യക്ഷത വഹിച്ചു. മുസ്ലിം ലീഗ് പഞ്ചായത്ത് ട്രഷറര്‍ കോട്ട അബ്ദുല്‍ റഹിമാന്‍, യൂത്ത് ലീഗ് മണ്ഡലം സെക്രട്ടറി ബഷീര്‍ ഫ്രഡ്സ്, പഞ്ചായത്ത് വൈസ്.പ്രസിഡന്‍റ് അഹമ്മദാലി പാട്ലട്ക്ക, മുസ്ലിം ലീഗ് വാര്‍ഡ് സെക്രട്ടറി ഖാലിദ് ബാപ്പാലിപ്പാനം, അഷ്റഫ്, ഖാലിദ് തുടങ്ങിയവര്‍ സംബന്ധിച്ചു. ഹൈദര്‍ കുടുപ്പംകുഴി സ്വാഗതവും ഷഫീക്ക് കാര്‍വാര്‍ നന്ദിയും പറഞ്ഞു.
Post a Comment
0 Comments