കാസര്‍കോട് (www.evisionnews.in): മദീനാ പാഷന്‍ എസ്.കെ.എസ്.എസ്.എഫ് ജില്ലാ സമ്മേളനത്തിന് ഇന്ന് തളങ്കര ഹുദൈബിയ്യ നഗറില്‍ പരിസമാപ്തി കുറിക്കും. വൈകിട്ട് മൂന്നു മണിക്ക് നടക്കുന്ന വിദ്യാര്‍ത്ഥി ശക്തി പ്രകടനത്തോടെയാണ് ജില്ലാ സമ്മേളനത്തിന് സമാപ്തി കുറിക്കുക. കാസര്‍കോട് പുതിയ ബസ് സ്റ്റാന്റ് പരിസരത്ത് നിന്നാരംഭിച്ച് തളങ്കര ഹുദൈബിയയില്‍ സംഗമിക്കുന്ന റാലിയില്‍ നൂറുകണക്കിന് പ്രവര്‍ത്തകര്‍ അണിനിരക്കും.
5.30ന് പൊതുസമ്മേളനം ജില്ലാ പ്രസിഡണ്ട് താജുദ്ദീന്‍ ദാരിമി പടന്നയുടെ അധ്യക്ഷതയില്‍ സമസ്ത ജനറല്‍ സെക്രട്ടറി പ്രൊഫ കെ ആലിക്കുട്ടി മുസ്ലിയാര്‍ ഉദ്ഘാടനം ചെയ്യും. ജനറല്‍ സെക്രട്ടറി ഹാരിസ് ദാരിമി ബെദിര സ്വാഗതം പറയും. സയ്യിദ് ടി.കെ പൂക്കോയ തങ്ങള്‍ ചന്തേര പ്രാര്‍ത്ഥന നടത്തും. റഹ്മത്തുള്ള ഖാസിമി മുത്തേടം മദീനാ പാഷന്‍ സന്ദേശം നല്‍കും. സത്താര്‍ പന്തല്ലൂര്‍ മുഖ്യപ്രഭാഷണം നടത്തും.
ഖാസി താഖാ അഹമ്മദ് മൗലവി, യു.എം അബ്ദുല്‍ റഹ്്മാന്‍ മൗലവി, എം.എ ഖാസിം മുസ്ലിയാര്‍, ഖാസി ഇകെ മഹമൂദ് മുസ്ലിയാര്‍ നിലേശ്വരം, ഖാസി പികെ അബ്ദുല്‍ ഖാദര്‍ മുസ്ലിയാര്‍ പൈവളികെ, എന്‍.പി.എം സൈനുല്‍ ആബിദീന്‍ തങ്ങള്‍, ചെര്‍ക്കളം അബ്ദുള്ള, എന്‍.എ നെല്ലിക്കുന്ന് എംഎല്‍എ, പി.ബി അബ്ദുല്‍ റസാഖ് എം.എല്‍.എ, ഖത്തര്‍ ഇബ്രാഹിം ഹാജി, മെട്രോ മുഹമ്മദ് ഹാജി, സി.ടി അഹമ്മദലി സംബന്ധിക്കും.
Post a Comment
0 Comments