ഇടതു കേന്ദ്രങ്ങളിലും യു.ഡി.എഫിന് ലീഡ്: 50000 കടന്നു

മലപ്പുറം (www.evisionnews.in): കുഞ്ഞാലിക്കുട്ടിക്ക് വ്യക്തമായ മുന്‍തൂക്കത്തോടെ തുടങ്ങിയ മലപ്പുറം ലോക്സഭ മണ്ഡലം വോട്ടെണ്ണലില്‍ കുഞ്ഞാലിക്കുട്ടിയുടെ ഭൂരിപക്ഷം അരലക്ഷം കടന്നു. മലപ്പുറം, വേങ്ങര, പെരിന്തല്‍മണ്ണ, മഞ്ചേരി, കൊണ്ടോട്ടി, വള്ളിക്കുന്ന്, മങ്കട മണ്ഡലങ്ങള്‍ ഉള്‍പ്പെടുന്നതാണ് മലപ്പുറം ലോക്സഭ മണ്ഡലം. ഇതില്‍ ഇടത് സ്വാധീന മേഖലകളില്‍ ആദ്യം വോട്ടെണ്ണിയതിനാല്‍ കൊണ്ടോട്ടി, വള്ളിക്കുന്ന് മണ്ഡലങ്ങളില്‍ നേരിയ ഭൂരിപക്ഷത്തിന് ഇടത് സ്ഥാനാര്‍ത്ഥി എം.ബി ഫൈസല്‍ മുന്നിട്ടിരുന്നു. ബാക്കിയുള്ള അഞ്ചു മണ്ഡലങ്ങളിലും വ്യക്തമായ ഭൂരിപക്ഷത്തോടെ യു.ഡി.എഫ് സ്ഥാനാര്‍ത്ഥി പി.കെ കുഞ്ഞാലിക്കുട്ടി മുന്നിട്ടുനിന്നു.