വിജയം ഉറപ്പിച്ചു: മലപ്പുറത്ത് ആഹ്ലാദ പ്രകടനം

മലപ്പുറം (www.evisionnews.in): യു.ഡി.എഫ് സ്ഥാനാര്‍ത്ഥി പി.കെ കുഞ്ഞാലിക്കുട്ടിയുടെ ലീഡ് ഒന്നര ലക്ഷത്തോടടുത്തതോടെ മലപ്പുറത്ത് ആഹ്ലാദം പ്രകടനം തുടങ്ങി. ഭൂരിപക്ഷം എത്രത്തോളം ഉയരുമെന്ന കാര്യത്തിലാണ് ഇനി കണ്ണുകളെല്ലാം. വോട്ടെണ്ണല്‍ ആരംഭിച്ചപ്പോള്‍ മുതല്‍ യുഡിഎഫ് സ്ഥാനാര്‍ത്ഥി പി.കെ. കുഞ്ഞാലിക്കുട്ടി എതിരാളികളെ ഏറെ പിന്നിലാക്കി മുന്നേറുകയാണ്. മൂന്നു ലക്ഷത്തിലധികം വോട്ട് നേടിയ അദ്ദേഹത്തിന്റെ ലീഡ് ഒരു ലക്ഷത്തി ഇരുപതിനായിരം കടന്നു. എല്‍ഡിഎഫ് സ്ഥാനാര്‍ത്ഥി എം.ബി. ഫൈസലിന് ലഭിച്ച ആകെ വോട്ട് രണ്ടു ലക്ഷം കടന്നു. സ്വന്തം നിയമസഭാ മണ്ഡലമായ വേങ്ങരയിലും മലപ്പുറത്തുമാണ് കുഞ്ഞാലിക്കുട്ടിക്ക് വലിയ ലീഡ് നല്‍കിയത്. ഇടത് സ്വാധീനമേഖലകളിലും യുഡിഎഫിനാണ് മുന്‍തൂക്കം.