നീലേശ്വരം (www.evisionnews.in): യുവാവിനെ വീട്ടില്‍ അതിക്രമിച്ചുകയറി കഠാരകൊണ്ട് കുത്തിപ്പരിക്കേല്‍പിച്ചു. നീലേശ്വരം കാട്ടിപ്പൊയില്‍ പള്ളത്തെ പ്രമോദിനാണ് കുത്തേറ്റത്. പ്രമോദിന്റെ പരാതിയില്‍ കാറളത്തെ വിജേഷിനെതിരെ നീലേശ്വരം പോലീസ് വധശ്രമത്തിന് കേസെടുത്തു.
കഴിഞ്ഞദിവസം രാത്രി 10 മണിയോടെയാണ് സംഭവം. കഠാരയുമായി പ്രമോദിന്റെ വീട്ടില്‍ അതിക്രമിച്ചുകയറിയ വിജേഷ് പ്രമോദിനെ മുറ്റത്തേക്ക് വലിച്ചിറക്കുകയും കുത്തിപ്പരിക്കേല്‍പ്പിക്കുകയുമായിരുന്നു. വിജേഷിന്റെ സുഹൃത്തും പ്രമോദും തമ്മില്‍ നേരത്തെ ചില പ്രശ്‌നങ്ങള്‍ ഉണ്ടായിരുന്നു. ഇതിന്റെ തുടര്‍ച്ചയായാണ് പ്രമോദിന് കുത്തേറ്റത്. സാരമായി പരിക്കേറ്റ പ്രമോദ് ആശുപത്രിയില്‍ ചികിത്സയിലാണ്.
keywords:kasaragod-neeleshwaram-youth-stabbed
Post a Comment
0 Comments