കാസര്‍കോട് (www.evisionnews.in): ഗൗസിയ സുന്നി ജംഇയ്യത്തുല്‍ ഉലമ ചെയര്‍മാന്‍ ഖുത്തുബുസ്സമാന്‍ ശൈഖ് യൂസുഫ് സുല്‍ത്താന്‍ ഷാഹ് ഖാദിരി ചിശ്തി ആലുവ കാസര്‍കോട്ടെത്തി. ഗൗസിയ സുന്നി ജംഇയ്യത്തുല്‍ ഉലമ മഹാ സമ്മേളനം കാസര്‍കോട് പുതിയബസ് സ്റ്റാന്റ് പരിസരത്ത് ചൊവ്വാഴ്ച വൈകിട്ട് ഏഴ് മണിക്ക് അദ്ദേഹം ഉദ്ഘാടനം ചെയ്യും. പുതിയ ബസ് സ്റ്റാന്റിന് സമീപം പ്രത്യേകം സജ്ജമാക്കിയ ശൈഖ് ഇബ്രാഹിം പൂത്തൂര്‍ ഫൈസി നഗറിലാണ് സമ്മേളനം നടക്കുന്നത്. വൈകിട്ട് നാല് മണിക്ക് അല്‍ മദീന എജ്യുലാന്‍ഡ് വിദ്യാര്‍ത്ഥികള്‍ അവതരിപ്പിക്കുന്ന സൂഫി ഖവാലി നടക്കും. അഞ്ച് മണിക്ക് 21 ാം നൂറ്റാണ്ടില്‍ സൂഫിസത്തിന്റെ പ്രസക്തി എന്ന വിഷയത്തില്‍ നടക്കുന്ന സൂഫി സമ്മേളനത്തില്‍ പ്രസിഡണ്ട് ശൈഖ് അബ്ദുര്‍ റഹീം മുസ്ലിയാര്‍ അധ്യക്ഷത വഹിക്കും.
ഏഴ് മണിക്ക് നടക്കുന്ന സമാപന സമ്മേളനം ഗൗസിയ സുന്നി ജംഇയ്യത്തുല്‍ ഉലമ ചെയര്‍മാന്‍ ഖുത്തുബുസ്സമാന്‍ ശൈഖ് യൂസുഫ് സുല്‍ത്താന്‍ ഷാഹ് ഖാദിരി ചിശ്തി ആലുവ ഉദ്ഘാടനം ചെയ്യും. സയ്യിദ് പൂക്കോയ തങ്ങള്‍ ഇയ്യാട് അധ്യക്ഷത വഹിക്കും. മുശാവറ അംഗങ്ങളായ ഫള്ലുല്ലാഹ് ഫൈസി പ്രമേയ പ്രഭാഷണം നടത്തും. ശൈഖ് അബ്ബാസ് ഫൈസി വഴിക്കടവ് മുഖ്യപ്രഭാഷണം നടത്തും. ശൈഖ് ഹുസൈന്‍ അല്‍ ഖാസിമി കൊടുവള്ളി, കൊടുവള്ളി അബ്ദുല്‍ ഖാദര്‍ സംസാരിക്കും. ഉസൈന്‍ കോയ തങ്ങള്‍ തിരുവനന്തപുരം, സയ്യിദ് സൈനുല്‍ ആബിദീന്‍ തങ്ങള്‍ ഇയ്യാട്, ഡോ. അബ്ദുല്ല തങ്ങള്‍ ലക്ഷദ്വീപ്, മുഹ്യുദ്ദീന്‍ ബാഖവി ആലുവ, അബ്ദുര്‍ റസാഖ് സഖാഫി മംഗളൂരു, അബൂബക്കര്‍ സഅദി മക്ക, അബ്ദുല്‍ മജീദ് മലപ്പുറം, അബ്ദുര്‍ റഹ്മാന്‍ ബാവ പൂനെ, ഹംസ ഫൈസി തലപ്പാടി, അബ്ദുല്‍ ജബ്ബാര്‍ ജീലാനി എറണാകുളം, ഹാശിം മന്നാനി തിരുവനന്തപുരം, മുസ്തഫ മന്നാനി മഞ്ചേരി സംബന്ധിക്കും. ജീലാനി സ്റ്റഡി സെന്റര്‍ സംസ്ഥാന സെക്രട്ടറി ഷരീഫ് താമരശ്ശേരി സ്വാഗതവും ജില്ലാ സെക്രട്ടറി അബ്ദുല്‍ റസാഖ് കാസര്‍കോട് നന്ദിയും പറയും.
Post a Comment
0 Comments