മാങ്ങാട് കൂളിക്കുന്നില്‍ വീടിന്റെ മേല്‍കൂര തകര്‍ന്ന് വീണ് മൂന്നുപേര്‍ക്ക് പരിക്ക്

മാങ്ങാട് (www.evisionnews.in): വീടിന്റെ മേല്‍കൂര തകര്‍ന്ന് വീണ് രണ്ടര വയസുകാരന്‍ ഉള്‍പ്പെട മൂന്നുപേര്‍ക്ക് പരിക്കേറ്റു. മീത്തല്‍ മാങ്ങാട് കൂളിക്കുന്ന് റോഡിലെ പരേതനായ ഡ്രൈവര്‍ രാമന്റെ ഓടിട്ട വീടാണ് തകര്‍ന്നത്. സാരമായി പരിക്കേറ്റ മാങ്ങാട്ടെ പുരുഷോത്തമന്റെ ഭാര്യ വി. പ്രീത (30), പ്രീതയുടെ സഹോദരന്‍ വി. അശോകന്റെ മകന്‍ ആരവ് (രണ്ടര) എന്നിവരെ കാസര്‍കോട്ടെ സ്വകാര്യാശുപത്രിയിലും അശോകന്റെ ഭാര്യ സൗമ്യയെ (27) ഉദുമയിലെ സ്വകാര്യാശുപത്രിയിലും പ്രവേശിപ്പിച്ചു. ശബ്ദം കേട്ടത്തെിയ അശോകന്റെ അമ്മ ലക്ഷ്മി (65) വീട് തകര്‍ന്നത് കണ്ട് തളര്‍ന്നു വീണു. ഇവരെ ഉദുമ സ്വകാര്യാശുപത്രിയില്‍ പ്രവേശിപ്പിച്ചു. വ്യാഴാഴ്ച ഉച്ചയോടെയാണ് വന്‍ ശബ്ദത്തോടെ വീടിന്റെ മേല്‍കൂര നിലം പതിച്ചത്. ഈ സമയത്ത് വീട്ടുകാര്‍ ഭക്ഷണം കഴിക്കുകയായിരുന്നു. ശബ്ദം കേട്ടെത്തിയ നാട്ടുകാരാണ് പരിക്കേറ്റവരെ ആശുപത്രില്‍ പ്രവേശിപ്പിച്ചത്.