സിഡ്‌നി: (www.evisionnews.in) ഇന്ത്യയില്‍ ക്രിക്കറ്റ് പരമ്പരയ്‌ക്കൊരുങ്ങുന്ന ഓസ്‌ട്രേലിയന്‍ ടീമിന് മുന്‍ താരം മൈക്കല്‍ ഹസിയുടെ മുന്നറിയിപ്പ്. എതരാളികള്‍ക്കു മേല്‍ ആധിപത്യം സ്ഥാപിക്കാനായി എതിര്‍ ടീമംഗങ്ങളെ ചീത്ത പറയുന്ന (സ്ലഡ്ജിങ്) ഓസീസ് ടീമിന്റെ രീതി വിരാട് കോലിക്കും സംഘത്തിനുമെതിരെ പുറത്തെടുക്കരുതെന്നാണ് ഹസിയുടെ മുന്നറിയിപ്പ്. അത് ചിലപ്പോള്‍ തിരിച്ചു കൊത്തുമെന്നും ഹസി പറയുന്നു. ''എല്ലാ തരത്തിലും ഒരു തികഞ്ഞ പ്രതിയോഗിയാണ് വിരാട് കോലി. ഓസീസ് ടീമംഗങ്ങള്‍ സ്ലഡ്ജ് ചെയ്താല്‍ അതു കോലിക്ക് കൂടുതല്‍ കരുത്ത് പകരുന്നതിന് മാത്രമേ സഹായിക്കൂ'' ഹസി ചൂണ്ടിക്കാട്ടി.
കോലിക്കെതിരെ കളിക്കുന്നത് താനാണെങ്കില്‍ ഒരിക്കലും ഇന്ത്യന്‍ ക്യാപ്റ്റനെ ചീത്ത പറയാന്‍ നില്‍ക്കില്ലെന്നും ഹസി പറഞ്ഞു. സ്ലഡ്ജിങ്ങിനേക്കാള്‍ കോലിക്കും സംഘത്തിനുമെതിരെ കൃത്യമായ ആസൂത്രണത്തോടെ കളിക്കുകയാണ് വേണ്ടതെന്നും ഹസി വ്യക്തമാക്കി.
Post a Comment
0 Comments