കാലിയ റഫീഖ് വധം:നൂര്‍ അലി അടക്കം നാലുപേര്‍ പിടിയിലായതായി സൂചന

കാസര്‍കോട്:(www.evisionnews.in)കാലിയ റഫീഖ് വധവുമായി ബന്ധപ്പെട്ട്  4  പേർ പോലീസ് പിടിയിലായതായി സൂചന.2013ല്‍ മണ്ണംകുഴിയില്‍ കൊല്ലപ്പെട്ട മുത്തലിബിന്റെ സഹോദരന്‍ നൂര്‍ അലി (35), റഊഫ് (26), കര്‍ണാടക സ്വദേശികളായ രണ്ടുപേര്‍  എന്നിവർ പോലീസ് പിടിയിലായതായാണ് വിവരം.അന്വേഷണത്തത്തിൽ   കൊല്ലാന്‍ ഉപയോഗിച്ച രണ്ട് തോക്കുകളും രണ്ട് കത്തിയും നൂര്‍അലിയുടെ വീട്ടുപറമ്പില്‍ കുഴിച്ചിട്ട നിലയില്‍ പൊലീസ് കണ്ടെത്തിയിരുന്നു.   കേസിൽ കർണാടക പോലീസ് ഊർജിതമായ അന്വേഷണമാണ് നടത്തി വരുന്നത്. മംഗളൂരു കെ സി റോഡില്‍ നിന്നും രണ്ട് കിലോ മീറ്റര്‍ അകലെയുള്ള കെട്ടേക്കാറില്‍ വെച്ചാണ് കാലിയ റഫീഖ് വധിക്കപ്പെട്ടത്. രാത്രി ടിപ്പര്‍ ലോറിയിലെത്തിയ സംഘം റഫീഖിനെ വെട്ടിയും വെടിവെച്ചും കൊലപ്പെടുത്തുകയായിരുന്നു.2013 ഒക്‌ടോബര്‍ 24ന് കൊല്ലപ്പെട്ട മണ്ണംകുഴിയിലെ മുത്തലിബിന്റെ സഹോദരന്‍ നൂര്‍അലിയുടെ നിർദ്ദേശപ്രകാരം കൂട്ടാളികൾ കൃത്യം നടത്തിയതെന്നാണ്  പോലീസ് അന്വേഷണത്തിൽ ലഭിച്ച വിവരം.കേസുമായി ബന്ധപ്പെട്ട് മറ്റു ചിലരും പോലീസിന്റെ വലയിലായതാണ് സൂചന.




keywords-kaliya rafeek-murder-noor ali-police custedy