ചേറ്റുക്കുണ്ടിൽ നിയന്ത്രണം വിട്ട കാര്‍ ബസില്‍ കയറുന്നവര്‍ക്കിടയിലേക്ക് ഇടിച്ച് കയറി നാല് സ്ത്രീകള്‍ക്ക് ഗുരുതരം

പള്ളിക്കര:(www.evisionnews.in)പള്ളിക്കര ചേറ്റുകുണ്ടിൽ  നിയന്ത്രണം വിട്ട കാര്‍ ബസില്‍  കയറുന്നവര്‍ക്കിടയിലേക്ക്  ഇടിച്ച് കയറി നാല് സ്ത്രീകള്‍ക്ക് ഗുരുതര മായി പരിക്കേറ്റു. ബുധനാഴ്ച വൈകുന്നേരം 3.30 മണിയോടെ ചേറ്റുകുണ്ട് ജംഗ്ഷനിലാണ് സംഭവം. കാഞ്ഞങ്ങാട് ഭാഗത്തുനിന്ന് വരികയായിരുന്ന കെ എല്‍ 14 എല്‍ 6314 നമ്പര്‍ റിട്‌സ് കാര്‍ ആണ് അപകടം വരുത്തിയത്.

കാഞ്ഞങ്ങാട്ടുനിന്നും കാസര്‍കോട്ടേക്ക് വരികയായിരുന്ന കെ എസ് ആര്‍ ടി സി ബസ് ചേറ്റുകുണ്ടില്‍ നിര്‍ത്തിയപ്പോള്‍ ബസില്‍ കയറാനായി നിൽക്കുകയായി രുന്നവരുടെ ഇടയിലേക്കാണ് കാർ പാഞ്ഞുകയറിയത്.ആൾക്കാർ ചിതറിയോ ടിയെങ്കിലും 4 സ്ത്രീകളെ കാർ ഇടിച്ചിടുകയായിരുന്നു. ഇതിനുശേഷം കാസര്‍ കോട് ഭാഗത്തുനിന്ന് കാഞ്ഞങ്ങാട്ടേക്ക് പോവുകയായിരുന്ന ബൈക്കിനെയും കാര്‍ ഇടിച്ചുതെറിപ്പിച്ചു.സ്ത്രീകളുടെ നില ഗുരുതരമായതിനാൽ ഇവരെ മംഗളൂരു ആശുപത്രിയിലേക്ക് മാറ്റി.സംഭവത്തില്‍ പ്രതിഷേധിച്ച് നാട്ടുകാര്‍ റോഡ് ഉപരോധിക്കുകയാണ്. ട്രാഫിക് നിയമം ലംഘിച്ച് കാര്‍ അമിതവേഗത യില്‍ വന്നതാണ് അപകടത്തിന് കാരണമായതെന്ന് നാട്ടുകാര്‍ ആരോപിച്ചു. അപകടം വരുത്തിയ കാര്‍ പോലീസ് കസ്റ്റഡിയിലെടുത്തിട്ടുണ്ട്.അപകടത്തെ തുടര്‍ന്ന് ഈ റൂട്ടിലെ  വാഹനഗതാഗതം ഏറെ നേരം സ്തംഭിച്ചു.


keywords-,pallikkara-Accident-car- 4 injured