ബോവിക്കാനം (www.evisionnews.in): കടം തിരികെ ചോദിച്ച വിരോധത്തില്‍ യുവതിയെ ക്വാട്ടേഴ്‌സില്‍ കയറി വെട്ടിപ്പരിക്കേല്‍പ്പിച്ചു. മുളിയാര്‍ അമ്മങ്കോട്ടെ സുരേന്ദ്രന്റെ ഭാര്യ ലീലാവതി(34)ക്കാണ് വെട്ടേറ്റത്. ഇവരെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു. വ്യാഴാഴ്ച രാത്രി ഏഴുമണിയോടെയാണ് സംഭവം. ലീലാവതി താമസിക്കുന്ന ക്വാര്‍ട്ടേഴ്‌സിലെ മറ്റൊരു മുറിയില്‍ താമസക്കാരനായ ഉമേശനാണ് അക്രമിച്ചതെന്ന് പറയുന്നു.
ഇയാള്‍ക്ക് നാലു മാസം മുമ്പ് ലീലാവതിയുടെ ഭര്‍ത്താവ് 2000 രൂപ കടം കൊടുത്തിരുന്നു. ഈ തുക തിരികെ ചോദിച്ച വിരോധത്തില്‍ രാത്രി ക്വാര്‍ട്ടേഴ്‌സില്‍ കയറി ഭര്‍ത്താവിനെ ഉമേശന്‍ വെട്ടാന്‍ ശ്രമിക്കുകയായിരുന്നുവെന്നും ഇത് തടയാന്‍ ശ്രമിച്ചപ്പോഴാണ് തനിക്ക് വെട്ടേറ്റതെന്നും ലീലാവതി പറഞ്ഞു.
Post a Comment
0 Comments