കാസര്‍കോട് (www.evisionnews.in): ഇടുക്കിയില്‍ നിന്ന് മംഗളൂരുവിലേക്ക് കൊണ്ടുപോവുകയായിരുന്ന അഞ്ച് കിലോ കഞ്ചാവുമായി കര്‍ണ്ണാടക സ്വദേശികളും കാസര്‍കോട്ടു താമസക്കാരുമായ രണ്ടു പേരെ മംഗളൂരു സി.സി.ബി പോലീസ് പിടിച്ചു. മംഗളൂരു ടൗണില്‍ കഞ്ചാവു വില്‍ക്കുകയായിരുന്ന മഞ്ചേശ്വരം, നെത്തില പദവില്‍ താമസിക്കുന്ന സി.എച്ച് അബ്ദുല്‍ അംസദ് (27), മധൂര്‍ മായിപ്പാടിയില്‍ താമസിക്കുന്ന ഉദയകുമാര്‍ റൈ (30) എന്നിവരെയാണ് പിടികൂടിയത്. 16,6000 വിലമതിക്കുന്ന കഞ്ചാവ് ഇവരില്‍ നിന്നു പിടികൂടിയതായി പോലീസ് അറിയിച്ചു. മൂന്ന് മൊബൈല്‍ ഫോണും പിടിച്ചു. പിടിയിലായ ഉദയകുമാര്‍ റൈക്കെതിരെ കാസര്‍കോട്, കര്‍ണാടക എന്നിവിടങ്ങളില്‍ നിരവധി കേസുകളുള്ളതായി പോലീസ് പറഞ്ഞു.
keywords:kasaragod-mangalore-two-kanjav-sellers-arrest
Post a Comment
0 Comments