ഭര്‍തൃവീട്ടില്‍ പൊള്ളലേറ്റ് നവവധു മരിച്ചു

കാഞ്ഞങ്ങാട് (www.evisionnews.in) : ഭര്‍തൃ വീട്ടില്‍ നിന്നും തീ പൊള്ളലേറ്റ് പരിയാരം മെഡിക്കല്‍ കോളജ് ആശുപത്രിയില്‍ ചികില്‍സയിലായിരുന്ന നവവധു മരിച്ചു. 

ചിറ്റാരിക്കല്‍ പോലീസ് സ്റ്റേഷന്‍ പരിധിയില്‍ ആയന്നൂരിലെ സുമിത്തിന്റെ ഭാര്യ നിഖിലയാ(20)ണ് മരിച്ചത്. ശനിയാഴ്ചയാണ് തീ പൊള്ളലേറ്റത്. ചൊവ്വാഴ്ച രാത്രിയാണ് മരിച്ചത്. ആത്മഹത്യയാണെന്ന് സംശയിക്കുന്നു. മൂന്ന് മാസം മുമ്പാണ് വിവാഹം നടന്നത്. സുമിത്ത് ടൈല്‍സ് തൊഴിലാളിയാണ്. പുളിങ്ങോം എടവരമ്പിലെ സജിയുടെ മകളാണ് നിഖില. എസ്.ഐ പി.വി രാജന്റെ നേതൃത്വത്തില്‍ ഇന്‍ക്വസ്റ്റ് നടത്തി.