കുമ്പഡാജെ (www.evisionnews.in) : ക്യാപ്‌സിഗോസ് കുമ്പഡാജെയുടെ ആഭിമുഖ്യത്തില്‍ സംഘടിപ്പിച്ച കുമ്പഡാജെ പഞ്ചായത്ത് പ്രീമിയര്‍ ലീഗ് (കെ.പി.പി.എല്‍) സീസണ്‍ 2ല്‍ ഡൈനാമോസ് ഡിഫന്‍ഡേഴ്‌സ് ജേതാക്കളായി. ഫൈനല്‍ മത്സരത്തില്‍ എമിറേറ്റ്‌സ് എഫ്‌സിയെ പെനാല്‍റ്റി ഷൂട്ട്ഔട്ടില്‍ 2ന് എതിരായി 3 ഗോളുകള്‍ നേടിയാണ് ഡൈനമോസ് ഡിഫന്‍ഡേഴ്‌സ് കെ.പി.പി.എല്‍ താര രാജകന്മാരായത്. സത്താര്‍ ബദ്രിയ ഓണറും ഷെഫീഖ് എപ്പി ഡൈനാമോസിന്റെ മാനേജറുമാണ്. റണ്ണര്‍ അപ്പായ എമിറേറ്റ്‌സ് എഫ്‌സിയുടെ ഓണര്‍ നാസര്‍ വൈയും, മേനേജര്‍ നൗഫല്‍ കുമ്പഡാജെയുമായിരുന്നു.
വെള്ളിയാഴ്ച രാത്രി ചാക്കുടല്‍ മിനി സ്റ്റേഡിയത്തില്‍ നടന്ന ഫുട്ബാള്‍ ഫെസ്റ്റ് സനബില്‍ ഫുട്‌ബോള്‍ അക്കാദമി ചെയര്‍മാന്‍ കാപ്പില്‍ കെ.ബി.എം ശരീഫ് ഉദ്ഘാടനം ചെയ്തു. എസ് മുഹമ്മദ്, ബി.ടി അബ്ദുല്ല കുഞ്ഞി, ഫാറൂഖ് കുമ്പഡാജെ, വൈ ഹനീഫ കുമ്പഡാജെ, ഈ.കെ മുഹമ്മദ്, മജീദ് ചക്കുടല്‍ സംസാരിച്ചു. നൗഫല്‍ കുമ്പഡാജെ സ്വാഗതം പറഞ്ഞു. നാസര്‍ വൈ അധ്യക്ഷത വഹിച്ചു. ശനിയാഴ്ച്ച രാവിലെ നടന്ന സമ്മാന വിതരണ ചടങ്ങില്‍ വൈ ഹനീഫ കുമ്പഡാജെ, മുജീബ് ബദ്രിയ, സിദ്ദിഖ് തായാല്‍, മുസ്തഫ കുമ്പഡാജെ സംബന്ധിച്ചു.
Post a Comment
0 Comments