തൃക്കരിപ്പൂർ:(www.evisionnews.in) തൃക്കരിപ്പൂരിൽ ഫുട്ബോൾ കളി കണ്ട് മടങ്ങവെ യുവാവിനു നേരെ അക്രമം.ഇളമ്പച്ചി സ്കൂള്‍ ഗ്രൗണ്ടില്‍ നടക്കുന്ന സെവന്‍സ് ഫുട്ബോൾ മത്സരം കണ്ടു മടങ്ങവേ തൃക്കരിപ്പൂർ വെള്ളാപ്പ് സ്വദേശി അനീസി(25)ന് നേരെയാണ് ആക്രമണം നടന്നത്. ആക്രമത്തിൽ തലയ്ക്കും കൈക്കും പരിക്കേറ്റ അനീസിനെ തൃക്കരിപ്പൂർ ലൈഫ് കെയർ ഹോസ്പിറ്റലിൽ പ്രവേശിപ്പിച്ചു. തലയ്ക്ക് സാരമായ പരിക്ക് പറ്റിയ അനീസിനെ ആദ്യം പയ്യന്നൂർ സബാ ഹോസ്പിറ്റലിൽ സ്കാനിങ്ങിനു വിധേയമാക്കിയ ശേഷം തൃക്കരിപ്പൂർ ലൈഫ് കെയര്‍ ഹോസ്പ്പിറ്റലില്‍ അഡ്മിറ്റ് ചെയ്യുകയായിരുന്നു. കഴിഞ്ഞ ദിവസം കളിക്കിടെ ആവേശം പ്രകടിപ്പിച്ച യുവാവിനെ സംഘാടകര്‍ ആക്രമിച്ചതായി പരാതിയുണ്ടാ യിരുന്നു. അരവഞ്ചാൽ സ്വദേശിയായ നിമേഷിന്റെ നേതൃത്വത്തിലെത്തിയ പത്തംഗ സംഘമാണ് ആക്രമിച്ചതെന്ന് പരാതിയില്‍ പറയുന്നു.സംഭവത്തിൽ ചന്തേര പോലീസ് കേസെടുത്ത് അന്വേഷണം ആരംഭിച്ചു.
keywords-trikkaripur-anees against attack-after footbal match
Post a Comment
0 Comments