മഞ്ചേശ്വരം: (www.evisionnews.in) 20 ലിറ്റര്‍ കര്‍ണ്ണാടക നിര്‍മ്മിത മദ്യവുമായി ബസ് യാത്രികരായ നാലു പേരെ കുമ്പള എക്‌സൈസ് സംഘം അറസ്റ്റ് ചെയ്തു. കര്‍ണ്ണാടക കഥക് ജില്ലയിലെ മുത്തപ്പ ഗൗഡിഗെ(21), കാഞ്ഞങ്ങാട് അജാനൂര്‍ കടപ്പുറത്തെ കെ. രമേശ് (48), എം.കെ അനില്‍ (35), കൊല്ലങ്കാനത്തെ ജോസഫ് ഡിസൂസ (58) എന്നിവരാണ് അറസ്റ്റിലായത്. മുത്തപ്പയില്‍ നിന്ന് എട്ട് ലിറ്ററും രമേശനില്‍ നിന്ന് നാല് ലിറ്ററും അനിലില്‍ നിന്ന് മൂന്ന് ലിറ്ററും ജോസഫില്‍ നിന്ന് അഞ്ച് ലിറ്റര്‍ മദ്യവുമാണ് പിടിച്ചത്. മഞ്ചേശ്വരം വാമഞ്ചൂരില്‍ എക്‌സൈസ് സംഘം നടത്തിയ വാഹന പരിശോധനക്കിടെയാണ് മദ്യവുമായി മൂന്ന് പേര്‍ പിടിയിലാവുന്നത്.
ഒരാളെ കുമ്പളയില്‍ വെച്ചാണ് അറസ്റ്റ് ചെയ്തത്. എക്‌സൈസ് ഇന്‍സ്‌പെക്ടര്‍ പി.ജെ റോബിന്‍ ബാബു, അസി. ഇന്‍സ്‌പെക്ടര്‍മാരായ എം.വി ബാബുരാജ്, എം. പവിത്രന്‍, സിവില്‍ ഓഫീസര്‍മാരായ എം. രാജീവന്‍, എം.വി സജിത്, കെ. നൗഷാദ്, പ്രജിത് കുമാര്‍, പി. ശശി, മൈക്കിള്‍ എന്നിവരുടെ നേതൃത്വത്തിലായിരുന്നു പരിശോധന.
Post a Comment
0 Comments