ബദിയടുക്കയില്‍ വീട്ടമ്മയെ കുളത്തില്‍ മരിച്ചനിലയില്‍ കണ്ടെത്തി

ബദിയടുക്ക (www.evisionnews.in): വീട്ടമ്മയെ തോട്ടത്തിലെ കുളത്തില്‍ മരിച്ച നിലയില്‍ കണ്ടെത്തി. ബദിയടുക്ക കരിമ്പില അരമന മന്ദിരത്തിന് സമീപത്തെ ജയരാമ ഭട്ടിന്റെ ഭാര്യ ലളിത (55)യെയാണ് മരിച്ചനിലയില്‍ കണ്ടെത്തിയത്. തിങ്കളാഴ്ച രാവിലെ 7 മണിയോടെ വീട്ടിന് സമീപത്തെ കുളത്തിങ്കരയിലെ പമ്പ് ഹൗസില്‍ മോട്ടോറിടാന്‍ പോയതായിരുന്നു. കുറേനേരം തിരിച്ചുവരാത്തതിനെ തുടര്‍ന്ന് വീട്ടുകാര്‍ അന്വേഷിക്കുന്നതിനിടെയാണ് ലളിതയെ കുളത്തില്‍ വീണുകിടക്കുന്നത് കണ്ടത്. ഉടന്‍ കരയ്ക്കെത്തിച്ച് ആശുപത്രിയിലേക്ക് എത്തിച്ചെങ്കിലും മരിച്ചിരുന്നു. ബദിയടുക്ക പോലീസ് ഇന്‍ക്വസ്റ്റ് നടത്തി 

മൃതദേഹം ജനറല്‍ ആശുപത്രി മോര്‍ച്ചറിയിലേക്ക് മാറ്റി. മക്കള്‍: കാസര്‍കോട് ബാറിലെ അഭിഭാഷകന്‍ അഡ്വ. നവീന്‍, മല്ലിക, മൈത്രി. മരുമക്കള്‍: രമ്യ, തിരുമലേശ്വര ഭട്ട്, വിശ്വനാഥ ഭട്ട്. പാര്‍വ്വതി, സീത, സരസ്വതി, ദേവകി, മധുമതി എന്നിവര്‍ സഹോദരങ്ങളാണ്.