കുമ്പളയില്‍ കാര്‍ തടഞ്ഞ് യുവാവിനെ കുത്തിപ്പരിക്കേല്‍പ്പിച്ചു: ബന്ധുവിനെതിരെ വധശ്രമത്തിന് കേസ്

കുമ്പള (www.evisionnews.in): കാര്‍ തടഞ്ഞുവെച്ച് യുവാവിനെ കുത്തിപ്പരിക്കേല്‍പ്പിച്ചു. സംഭവവുമായി ബന്ധപ്പെട്ട് ബന്ധുവിനെതിരെ കുമ്പള പോലീസ് വധശ്രമത്തിന് കേസെടുത്തു. കുമ്പള പി.കെ നഗറിലെ ഖാലിദാ (38)ണ് ഞായറാഴ്ച വൈകിട്ട് അക്രമിക്കപ്പെട്ടത്. കാറില്‍ പോവുകയായിരുന്ന ഖാലിദിനെ കുമ്പള പി.കെ നഗറില്‍ തടഞ്ഞുനിര്‍ത്തുകയും വലിച്ചിറക്കിയ ശേഷം ബന്ധുവായ ഉസ്മാന്‍ കഠാരകൊണ്ട് കുത്തുകയുമായിരുന്നു. ഗുരുതരമായി പരിക്കേറ്റ ഖാലിദ് മംഗളൂരുവിലെ ആശുപത്രിയില്‍ ചികിത്സയിലാണ്. നേരത്തെ അക്രമക്കേസില്‍ സാക്ഷി പറഞ്ഞതിലുള്ള വിരോധമാണ് അക്രമത്തിന് പിന്നിലെന്നാണ് പറയപ്പെടുന്നത്. ഒളിവില്‍ കഴിയുന്ന ഉസ്മാനെ പിടികൂടാന്‍ പോലീസ് അന്വേഷണം ഊര്‍ജിതമാക്കിയിട്ടുണ്ട്.