കാസര്‍കോട് (www.evisionnews.in): തളങ്കര പള്ളിക്കാല്‍ ക്രിക്കറ്റ് ക്ലബ്ബിന്റെ ആഭിമുഖ്യത്തില്‍ തളങ്കര ഗവ. മുസ്ലിം ഹൈസ്‌കൂള്‍ ഗ്രൗണ്ടില്‍ സംഘടിപ്പിക്കുന്ന ത്രിദിന മെഗാ ഡേ-നൈറ്റ് ക്രിക്കറ്റ് ടൂര്‍ണമെന്റ് ഉദ്ഘാടനച്ചടങ്ങില്‍ പങ്കെടുക്കാനായി മുന്‍ ഇന്ത്യന്‍ ടീം ക്രിക്കറ്റ് താരം യൂസഫ് പഠാന്‍ കാസര്‍കോട്ടെത്തി. ചൊവ്വാഴ്ച രാവിലെ മംഗളുരൂ എയര്‍പോര്‍ട്ടില്‍ 11.30 മണിയോടെ വിമാനമിറങ്ങിയ പഠാനെ എസ്.പി.കെ സുല്‍ത്താന്റെ നേതൃത്വത്തില്‍ സ്വീകരിച്ചു.
വൈകിട്ട് ആറു മണിക്കാണ് ഉദ്ഘാടന ചടങ്ങ്. പരിപാടിയില്‍ ടൂര്‍ണമെന്റ് കമ്മിറ്റി ചെയര്‍മാന്‍ യഹ്യ തളങ്കര അധ്യക്ഷത വഹിക്കും. തെരുവത്ത് ഫൗണ്ടേഷന്‍ ചെയര്‍മാന്‍ ഖാദര്‍ തെരുവത്ത്, അഷ്റഫ് അച്ചു നായന്മാര്‍മൂല, ഫൈസല്‍ മുഹ്സിന്‍, അബ്ദുല്‍ കരിം കോളിയാട്, ബി.കെ സമീര്‍, ഷുഹൈല്‍ ഖാസിലേന്‍, ഉസ്മാന്‍ ഹാജി, സലിം ബര്‍ക്ക അടക്കമുള്ളവര്‍ സംബന്ധിക്കും.
Post a Comment
0 Comments