രാവിലെ 11 മണിക്ക് കൗണ്‍സില്‍ യോഗം തുടങ്ങാനിരിക്കെയാണ് 14 ബി.ജെ.പി കൗണ്‍സിലര്‍മാര്‍ പ്രതിഷേധമുയര്‍ത്തി രംഗത്ത് വന്നത്. ഭവന പുനരധിവാസ പദ്ധതിയില്‍ വന്‍ അഴിമതി നടന്നിട്ടുണ്ടെന്നും ഇത് മൂടി വെക്കാനാണ് നഗരസഭയുടെ ശ്രമമെന്നും അവര്‍ ആരോപിച്ചു. ആരോപണ വിധേയരായ കൗണ്‍സിലര്‍മാരെ പുറത്താക്കണമെന്നും ഉദ്യോഗസ്ഥര്‍ക്കെതിരെ നടപടിയെടുക്കണമെന്നും ആവശ്യപ്പെട്ട് മുദ്രാവാക്യം വിളിച്ചാണ് ബി.ജെ.പി അംഗങ്ങള്‍ ചെയര്‍പേഴ്‌സന്റെ ചേമ്പറിനടുത്തേക്ക് ഇരച്ച് കയറിയത്. ഇത് അജണ്ടയിലുള്ള വിഷയമല്ലെന്നും അജണ്ടയില്‍ രേഖപ്പെടുത്താത്ത കാര്യം ചര്‍ച്ച ചെയ്യാനാവില്ലെന്നും ഭരണ പക്ഷം അറിയിച്ചെങ്കിലും പ്രതിപക്ഷാംഗങ്ങള്‍ ചെവി കൊണ്ടില്ല. അരമണിക്കൂറിലേറെ നേരം വാഗ്‌വാദം തുടര്‍ന്നു. നഗരസഭാ പ്രതിപക്ഷ നേതാവ് പി. രമേശ്, കെ.ജെ മനോഹരന്‍, സവിത ടീച്ചര്‍, ഉമ, പ്രേമ, തുംഗപ്പ തുടങ്ങിയവരുടെ നേതൃത്വത്തിലായിരുന്നു പ്രതിഷേധം.
Post a Comment
0 Comments