ബേക്കല്‍ (www.evisionnews.in): ബേക്കല്‍ ശ്രീ കുറുംബാ ഭഗവതി ക്ഷേത്രത്തില്‍ ഉത്സവം കഴിഞ്ഞ് മടങ്ങുകയായിരുന്നവര്‍ സഞ്ചരിച്ച ബൈക്ക് മറിഞ്ഞ് രണ്ട് പേര്‍ മരിച്ചു. കൂടെയുണ്ടായിരുന്ന വിദ്യാര്‍ത്ഥിക്ക് പരിക്കേറ്റു. കോട്ടിക്കുളം കുറുംബാ ഭഗവതി ക്ഷേത്രത്തിന് സമീപത്തെ ഷണ്‍മുഖം (55), ബന്ധു ശിവകുമാര്‍ (48) എന്നിവരാണ് മരിച്ചത്. ഞായറാഴ്ച അര്‍ധരാത്രി 12 മണിയോടെ തൃക്കണ്ണാട് ക്ഷേത്രത്തിന് സമീപമാണ് അപകടം. അപകടത്തില്‍ പരിക്കേറ്റ ഷണ്‍മുഖത്തിന്റെ മകന്‍ ബാബു (14)വിനെ ആശുപത്രിയില്‍ പ്രവേശിപ്പിച്ചു.
ക്ഷേത്രത്തില്‍ നടന്ന ധനുപത് മഹോത്സവം കഴിഞ്ഞ് മൂവരും സ്‌കൂട്ടറില്‍ മടങ്ങുകയായിരുന്നു. തൃക്കണ്ണാട് ക്ഷേത്രത്തിനടുത്തെത്തിയപ്പോള്‍ സ്‌കൂട്ടര്‍ നിയന്ത്രണംവിടുകയും തൊട്ടടുത്തെ ഇലക്ട്രിക്ക് പോസ്റ്റിലിടിച്ച് മറിയുകയുമായിരുന്നു. ശിവകുമാര്‍ സംഭവസ്ഥലത്തുതന്നെ മരിച്ചു. ഓടിക്കൂടിയ നാട്ടുകാര്‍ ഷണ്‍മുഖത്തേയും മകന്‍ ബാബുവിനേയും ആശുപത്രിയിലെത്തിച്ചെങ്കിലും ഷണ്‍മുഖം യാത്രാമധ്യേ ഷണ്‍മുഖം മരിച്ചിരുന്നു. ബേക്കല്‍ പോലീസ് ഇന്‍ക്വസ്റ്റ് നടത്തിയ മൃതദേഹങ്ങള്‍ ജനറല്‍ ആശുപത്രി മോര്‍ച്ചറിയിലേക്ക് മാറ്റിയിട്ടുണ്ട്.
Post a Comment
0 Comments