മേല്‍പ്പാലത്തിന്റെ ഇരുഭാഗത്തും ചുമരുകള്‍ ഉയര്‍ത്തിക്കെട്ടിയതിനാല്‍ കൈത്താങ്ങിനായി എവിടെയും പിടിക്കാന്‍ പറ്റില്ല. പ്രായമായവര്‍ സഹയാത്രികരുടെ കൈപിടിച്ചുവേണം കരുതലോടെ പടികള്‍ കയറാനും ഇറങ്ങാനും. പെട്ടികളുമായിവരുന്ന യാത്രക്കാരും സാഹസപ്പെട്ടാണ് പടികള്‍ കയറിയിറങ്ങുന്നത്. പടികളുടെ ഇറക്കഭാഗത്തേക്കുള്ള ചെരിവ് നിര്‍മാണത്തിലെ അപാകമായി യാത്രക്കാര്‍ ചൂണ്ടിക്കാട്ടുന്നു. നിര്‍മാണസമയത്തുതന്നെ പടികള്‍ക്ക് ഇരുവശവും കൈവരികള്‍ ഘടിപ്പിക്കാനുള്ള തുളകള്‍ ഉണ്ടാക്കിയിട്ടുണ്ടെങ്കിലും കൈവരികള്‍ സ്ഥാപിക്കാനുള്ള നടപടി അധികൃതരുടെ ഭാഗത്തുനിന്ന് ഉണ്ടായിട്ടില്ലെന്നാണ് യാത്രക്കാരുടെ പരാതി.
Post a Comment
0 Comments