കെണിവെച്ചത് കാട്ടുപന്നിക്ക് ;കുടുങ്ങിയത് ഒരുഗ്രൻ പുള്ളിപ്പുലി

മംഗളുരു (www.evsionnews.in): കാട്ടുപന്നിക്ക് വെച്ച കെണിയിൽ കുടുങ്ങിയത് പുള്ളിപ്പുലി. പുത്തൂർ സവനൂരിന് സമീപത്തെ ഒരു കൃഷിയിടത്തിൽ ബുധനാഴ്ചയാണ് സംഭവം. മലത്തുടി ഗ്രാമത്തിലെ കർഷകൻ മധുവിന്റെ കൃഷിയിടത്തിലാണ് പുലി കുടുങ്ങിയത്. പുലർച്ചെ തോട്ടം നനയ്ക്കാൻ പോയപ്പോളാണ് പുലി കുടുങ്ങിയ കാഴ്ച കണ്ടത്. 

ഉടൻ വനപാലകരെ വിവരമറിയിച്ചെങ്കിലും വൈകിട്ടാണ് പുലിയെ ഒരു കണക്കിന് മയക്കി കീഴ്പെടുത്തി സ്ഥലത്ത് നിന്ന് നീക്കാനായത്. കുറച്ചു ദിവസം മുമ്പ് സ്ഥലത്തെ വിവിധയിടങ്ങളിൽ പുലിയുടെ കാൽപാടുകൾ കണ്ടെത്തിയിരുന്നു. പശുക്കളും നായ്ക്കളും കാണാതാവുന്നതും പതിവായിരുന്നു. അതിനിടയിലാണ് പുലി കുടുങ്ങിയത്.

keywords:karnataka-mangalore-leopard-trap