യു.ഡി.എഫ് സര്‍ക്കാരിന്റെ കാലത്ത് ആനുകൂല്യങ്ങള്‍ക്ക് അപേക്ഷ നല്‍കുന്ന എല്ലാ തൊഴിലാളികള്‍ക്കും തൊട്ടടുത്ത മാസം പത്താം തിയ്യതിക്കകം അവരവരുടെ അക്കൗണ്ടിലേക്കു തുക കൈമാറിയിരുന്നു.ഇത് പ്രകാരം മാര്‍ച്ച് മാസം വരെയുള്ള പെന്‍ഷനും മറ്റു ആനുകൂല്യങ്ങളും കൃത്യമായി കുടിശികയില്ലാതെ തന്നെ ലഭ്യമായിട്ടുണ്ട്.തുടര്‍ന്നുള്ള 4 മാസത്തെ അപേക്ഷകളിന്മേല്‍ തീരുമാനമാക്കാതെയും ഫണ്ട് അനുവദിക്കാതെയും തൊഴിലാളികളെ ദ്രോഹിക്കുന്ന സമീപനമാണ് സര്‍ക്കാരിന്റെയും ക്ഷേമനിധി അധികാരികളുടെയും ഭാഗത്തു നിന്നും ഉണ്ടായിക്കൊണ്ടിരിക്കുന്നത്.കഴിഞ്ഞ സര്‍ക്കാരിന്റെ കാലത്തു മാസങ്ങള്‍ നീണ്ടു നിന്ന യോജിച്ച പ്രക്ഷോഭത്തിലൂടെ നേടിയെടുത്ത ഈ സൗകര്യം അട്ടിമറിക്കാനുള്ള നീക്കം അവസാനിപ്പിക്കാത്ത പക്ഷം ശക്തമായ സമരങ്ങള്‍ ആരംഭിക്കാന്‍ നിര്‍മാണതൊഴിലാളി യൂണിയന്‍ (എസ്,ടി,യു) ജില്ലാ ഭാരവാഹികളുടെ യോഗം തീരുമാനിച്ചു.ആഗസ്ത് 15നകം ഇക്കാര്യത്തില്‍ അനുകൂല തീരുമാനം ഉണ്ടാവാത്ത പക്ഷം ക്ഷേമ നിധി ജില്ലാ ഓഫീസ് ഉപരോധിക്കും.പ്രസിഡന്റ് ബി.പി.മുഹമ്മദ് അധ്യക്ഷത വഹിച്ചു.ബി,കെ.അബ്ദുസ്സമദ്,പി.ഐ.എ.ലത്തീഫ്,എല്‍.കെ.ഇബ്രാഹിം കാഞ്ഞങ്ങാട്,ഹസ്സന്‍ കുഞ്ഞി പാത്തൂര്‍,എം.കെ.ഇബ്രാഹിം പൊവ്വല്‍,ശിഹാബ് റഹ്മാനിയ നഗര്‍,യൂസഫ് പാച്ചാണി,സി.എ.ഇബ്രാഹിം എതിര്‍ത്തോട്,സൈനുദ്ദീന്‍ തുരുത്തി,അബ്ദു റഹിമാന്‍ കടമ്പള,സി.എ.മുഹമ്മദ് ചെങ്കള പ്രസംഗിച്ചു.
Keywords:Kasaragod-STU-Employe-Strike
Post a Comment
0 Comments