ബദിയടുക്ക (www.evisionnews.in): ബാഡൂരില്‍ നിന്ന് കാണാതായ വീട്ടമ്മയുടെ മൃതദേഹം ഹേരൂര്‍ പുഴയില്‍ കണ്ടെത്തി. ബാഡൂരിലെ പത്മനാഭയുടെ ഭാര്യ ജയന്തിയുടെ (40) മൃതദേഹമാണ് ശനിയാഴ്ച രാവിലെ എട്ടു മണിയോടെ ഹേരൂര്‍ പുഴയില്‍ കണ്ടെത്തിയത്. ഈ മാസം 10ന് രാവിലെയാണ് ജയന്തിയെ വീട്ടില്‍ നിന്നും കാണാതായത്.
സംഭവത്തില്‍ ഭര്‍ത്താവ് നല്‍കിയ പരാതിയില്‍ ബദിയടുക്ക പോലീസ് കേസെടുക്കുകയും കഴിഞ്ഞ ദിവസം ബാഡൂരിലെ പുഴയില്‍ പോലീസും ഫയര്‍ഫോഴ്‌സും നാട്ടുകാരും ചേര്‍ന്ന് തിരച്ചില്‍ നടത്തുകയും ചെയിരുന്നു. ഇതിനിടയിലാണ് ശനിയാഴ്ച രാവിലെ മൃതദേഹം ഹേരൂര്‍ പുഴയില്‍ കണ്ടെത്തിയത്. ബദിയടുക്ക പോലീസ് ഇന്‍ക്വസ്റ്റ് നടത്തിയ മൃതദേഹം പോസ്റ്റുമോര്‍ട്ടത്തിനായി ആശുപത്രിയിലേക്ക് മാറ്റി. മരിച്ച ജയന്തിക്ക് രണ്ട് മക്കളുണ്ട്.
Keywords: Kasaragod-news-badiyadukkda-deadbody-found-in-rever-police-case
Post a Comment
0 Comments