കോടതിയില് ഹാജരാക്കിയ ഇവരെ 14 ദിവസത്തേക്ക് റിമാന്റ് ചെയ്തു. ഒന്നും രണ്ടും പ്രതികളെ സെന്ട്രല് ജയിലിലേക്ക് മാറ്റി. ദേഹാസ്വാസ്ഥ്യത്തെ തുടര്ന്ന് മൂന്നാം പ്രതി കൃഷ്ണപ്രിയയെ ആശുപത്രിയിലേക്ക് മാറ്റി. നാലാംപ്രതി ശില്പ്പയ്ക്കായി തെരച്ചില് തുടരുകയാണ്. റാഗിംഗിനിരയായ അശ്വതിയുടെ റൂംമേറ്റ് നിഖിതയുടെ മൊഴി അനുസരിച്ചായിരുന്നു മൂന്നു പേരെയും അറസ്റ്റു ചെയ്തത്.
കേസ് അന്വേഷണത്തിന്റെ ഭാഗമായി തെളിവെടുപ്പിന് വേണ്ടി കേരളത്തിലേക്ക് ഗുല്ബര്ഗ് പോലീസ് പുറപ്പെടാനിരിക്കെയാണ് റാഗിംഗിന് നേതൃത്വം നല്കിയ സംഘം വന്നിട്ടുണ്ടെന്ന വിവരം ലഭിച്ചത്. ശനിയാഴ്ച രാവിലെയാണ് അഞ്ചു വിദ്യാര്ത്ഥികള് ഗുല്ബര്ഗയിലെ ഹോസ്റ്റലില് എത്തിയതായി പോലീസിന് വിവരം കിട്ടിയത്. തുടര്ന്ന് ഇവരോട് ചോദ്യം ചെയ്യലിന് എത്താന് ഹാജരാകാന് നിര്ദേശിക്കുകയും ചോദ്യം ചെയ്യലിനെ തുടര്ന്ന് അറസ്റ്റു ചെയ്യുകയുമായിരുന്നു. കര്ണാടക പോലീസിന്റെ നടപടിയില് റാഗിംഗ് ഇര അശ്വതിയുടെ കുടുംബം തൃപ്തി രേഖപ്പെടുത്തി.
Post a Comment
0 Comments