നിയമനങ്ങള്‍ക്കു നിയന്ത്രണം ഏര്‍പ്പെടുത്തിയതിനാല്‍ യു.ഡി.എഫ് സര്‍ക്കാരിന്റെ അവസാനകാലത്ത് നിയമനങ്ങള്‍ നടന്നിരുന്നില്ല. അതിനാല്‍ റാങ്കുലിസ്റ്റുകളില്‍ ഉള്‍പ്പെട്ടിട്ടും പലര്‍ക്കും നിയമനം ലഭിച്ചിരുന്നില്ല. ഇടതു സര്‍ക്കാര്‍ അധികാരത്തില്‍ എത്തിയാല്‍ നിയമന നിരോധനം നീക്കുമെന്നും അര്‍ഹതപ്പെട്ടവര്‍ക്കെല്ലാം നിയമനം നല്‍കുമെന്നും തെരഞ്ഞെടുപ്പു പ്രകടനപത്രികയില്‍ പറഞ്ഞിരുന്നു.
ഈ ഉറപ്പ് നടപ്പാക്കുന്നതിന്റെ ഭാഗമായി ഇടതു സര്‍ക്കാര്‍ വിവിധ വകുപ്പുകളില്‍ നിലവിലുള്ള ഒഴിവുകള്‍ അടിയന്തിരമായി റിപ്പോര്‍ട്ട് ചെയ്യാന്‍ ആവശ്യപ്പെട്ടിരുന്നു. ഇതനുസരിച്ച് 2000 ഒഴിവുകളാണ് റിപ്പോര്‍ട്ട് ചെയ്തത്.ഈ തസ്തികകളില്‍ ഉടന്‍ നിയമനം നടത്തിയാലും അര്‍ഹതപ്പെട്ടവര്‍ക്കെല്ലാം നിയമനം ലഭിക്കില്ലെന്ന വിലയിരുത്തലിനെത്തുടര്‍ന്നാണ് ഈ മാസം കാലാവധി അവസാനിക്കുന്ന റാങ്ക് ലിസ്റ്റുകളുടെ കാലാവധി ആറുമാസത്തേക്കു നീട്ടാനുള്ള ശുപാര്‍ശക്കു മന്ത്രിസഭായോഗം തീരുമാനിച്ചത്.
keywords: Psc-Rank-list
Post a Comment
0 Comments