ചിക്കാഗോ (www.evisionnews.in): കോപ്പ അമേരിക്ക ശതാബ്ദി ടൂര്‍ണമെന്റില്‍ വീണ്ടും അര്‍ജന്റീന ചിലി പോരാട്ടത്തിന് കളമൊരുങ്ങി. വ്യാഴാഴ്ച പുലര്‍ച്ചെ നടന്ന മത്സരത്തില്‍ കൊളംബിയയെ എതിരില്ലാത്ത രണ്ടുഗോളുകള്‍ക്ക് തകര്‍ത്ത് ചിലി ഫൈനലില്‍ കടന്നതോടെയാണ് തുടര്‍ച്ചയായ രണ്ടാം വര്‍ഷവും ചിലി അര്‍ജന്റീന ഫൈനലില്‍ കളമൊരുങ്ങിയത്. അരങ്കൂയിസ് സാന്‍ഡോവാല്‍ (7), ഹോസെ പെഡ്രോ (11) എന്നിവരുടെ വകയായിരുന്നു ചിലിയുടെ ഗോളുകള്‍. ഇടയ്ക്ക് മഴയും മിന്നലും കാരണം മല്‍സരം തടസപ്പെട്ടിരുന്നു.മല്‍സരം തുടങ്ങി 11 മിനിറ്റിനിടെ രണ്ടു ഗോള്‍ നേടിയ ചിലി ഈ ലീഡ് നിലനിര്‍ത്തിയാണ് മല്‍സരം കൈപ്പിടിയിലൊതുക്കിയത്. തിരിച്ചടിക്കാനുള്ള കൊളംബിയന്‍ ശ്രമങ്ങളെ ഫലപ്രദമായി പ്രതിരോധിച്ച ചിലി തുടര്‍ച്ചയായ രണ്ടാം ഫൈനലിലേക്ക് മാര്‍ച്ച് ചെയ്തു. മൂന്നാം സ്ഥാനക്കാര്‍ക്കായുള്ള പോരാട്ടത്തില്‍ കൊളംബിയ ആതിഥേയരായ യുഎസ്എയെ നേരിടും.
Post a Comment
0 Comments