ന്യൂജേഴ്‌സി (യു.എസ്) (www.evisonnews.in): അര്‍ജന്റീനാ സൂപ്പര്‍താരം ലയണല്‍ മെസ്സി രാജ്യാന്തര ഫുട്‌ബോളില്‍ നിന്ന് വിരമിച്ചു. കോപ്പ അമേരിക്ക ശതാബ്ദി ടൂര്‍ണമെന്റിന്റെ ഫൈനലില്‍ ചിലെയോട് അടിയറവ് പറഞ്ഞതിനു പിന്നാലെയാണ് അര്‍ജന്റീന ക്യാപ്റ്റന്‍ കൂടിയായ മെസ്സിയുടെ തീരുമാനം. മെസ്സി തന്നെയാണ് രാജ്യാന്തര ഫുട്‌ബോളില്‍ നിന്ന് വിരമിച്ച വാര്‍ത്ത ഏജന്‍സിയോട് പറഞ്ഞത്. രാജ്യാന്തര ഫുട്‌ബോളില്‍ തന്റെ കാലം കഴിഞ്ഞുവെന്നും രാജ്യാന്തര ചാമ്പ്യനാകാത്തതില്‍ ഖേദമുണ്ടെന്നും മെസ്സി പറഞ്ഞു.
ഷൂട്ടൗട്ടില്‍ അര്‍ജന്റീനയ്ക്കായി ആദ്യ പെനല്‍റ്റി കിക്കെടുത്ത മെസ്സി, കിക്ക് പാഴാക്കിയിരുന്നു. കഴിഞ്ഞ വര്‍ഷവും കോപ്പ അമേരിക്ക ഫൈനലില്‍ മെസ്സി നയിച്ച അര്‍ജന്റീന ചിലെയോട് ഷൂട്ടൗട്ടില്‍ തോറ്റിരുന്നു. 2014ലെ ലോകകപ്പിലും അര്‍ജന്റീന ഫൈനലിലെത്തിയിരുന്നെങ്കിലും കലാശപ്പോരില്‍ ജര്‍മനിയോട് തോല്‍ക്കുകയായിരുന്നു.
Keywords: international-news-sports-messi-argentina
Post a Comment
0 Comments