അങ്കണവാടികളുടെയും വിദ്യാലയങ്ങളുടെയും സമീപത്തും യാതൊരു സുരക്ഷാ മാനദണ്ഡങ്ങളും പാലിക്കാത്ത ഒട്ടേറെ ക്വാറികള്‍ ജില്ലയിലുണ്ട്. കല്ലെടുത്തു കഴിഞ്ഞ ചില ക്വാറികളില്‍ മഴവെള്ളം കെട്ടിനില്‍ക്കുന്നതിനാല്‍ ജനങ്ങള്‍ ഭീതിയിലാണ്. ബദിയടുക്ക, മഞ്ചേശ്വരം, ബെള്ളൂര്‍, കാറഡുക്ക, പൈവളിഗെ, പള്ളിക്കര, പുല്ലൂര്‍പെരിയ, കയ്യൂര്‍ചീമേനി തുടങ്ങിയ പഞ്ചായത്തുകളിലാണു ചെങ്കല്‍ ക്വാറികള്‍ ഏറെയുള്ളത്. കള്ളാര്‍, കോടോംബേളൂര്‍, മടിക്കൈ, കിനാനൂര്‍കരിന്തളം, പനത്തടി, ഈസ്റ്റ് എളേരി, ബേഡകം തുടങ്ങിയ പഞ്ചായത്തുകളില്‍ കരിങ്കല്‍ ക്വാറികളും കൂടുതലാണ്. കുന്നിന്‍ചരിവുകളിലാണ് കരിങ്കല്‍ ക്വാറികള്‍ ഏറെയും. നൂറും അതിലേറെയും മീറ്റര്‍ താഴ്ചവരെയുള്ള കരിങ്കല്‍ ക്വാറികളുണ്ട്. എന്നാല്‍ ഇവയില്‍ പലതും കമ്പിവേലി കെട്ടി സൂക്ഷിച്ചിട്ടില്ല.
ചെങ്കല്‍ ക്വാറികള്‍ കൂടുതലും സമനിലപ്രദേശങ്ങളിലാണുള്ളത്. കഴിഞ്ഞ അഞ്ചു വര്‍ഷത്തിനുള്ളില്‍ ഇത്തരം ക്വാറികളില്‍ വീണ് നിരവധി പേരാണ് മരിച്ചത്. സുരക്ഷാവലയമില്ലാത്ത ക്വാറിയില്‍ വീണ് പൊയിനാച്ചി പറമ്പയില്‍ രണ്ട് കുട്ടികളുടെ ജീവന്‍ നഷ്ടപ്പെട്ടിരുന്നു. കഴിഞ്ഞ വര്‍ഷം കുണിയയിലും ഒരു വിദ്യാര്‍ത്ഥി ക്വാറിയില്‍ വീണ് മരിച്ചിരുന്നു. ഇതേ തുടര്‍ന്ന് അധികൃതര്‍ ഇടപെട്ടു കല്ലുവെട്ട് കുഴികള്‍ നികത്തുകയോ വേലി കെട്ടി തിരിക്കുകയോ വേണമെന്ന് ഉത്തരവിട്ടിരുന്നു.
Keywords: Kasaragod-news-quari-collector
Post a Comment
0 Comments