തട്ടിപ്പിന് രാഷ്ട്രീയഭേദമില്ല: എല്‍.ഡി.എഫ് ബാങ്കിലും മുക്കുപണ്ടം

കാസര്‍കോട് (www.evisionnews.in): മുക്കുപണ്ട തട്ടിപ്പുകള്‍ യു.ഡി.എഫ് ബാങ്കുകളിലാണെന്ന സിപിഎം മുഖപത്രത്തിന്റെ വാര്‍ത്തക്ക് പിന്നാലെ മഞ്ചേശ്വരത്ത് സിപിഎമ്മും സിപിഐയും ചേര്‍ന്ന് ഭരിക്കുന്ന മജ്ബയില്‍ സര്‍വീസ് സഹകരണ ബാങ്കിലും മുക്കുപണ്ട തട്ടിപ്പ്. 

പണയപണ്ടങ്ങളില്‍ വ്യാജസ്വര്‍ണം കണ്ടെത്തിയതിനെ തുടര്‍ന്ന് ശാഖാ മാനേജറും സിപിഐ പ്രവര്‍ത്തകനുമായ രാമദാസിനെയും പ്രതിദിന കളക്ഷന്‍ ഏജന്റ് മുനീറിനെയും പ്രതികളാക്കി മഞ്ചേശ്വരം പോലീസ് കേസെുടുത്തു. ബാങ്കിന് മുറത്തണയിലും ഉപ്പളയിലും ശാഖകളുണ്ട്. സിപിഐ ജില്ലാ കൗണ്‍സില്‍ അംഗം എം സഞ്ജീവ ഷെട്ടിയാണ് ബാങ്കിന്റെ പ്രസിഡണ്ട്. സിപിഎമ്മിന് ഭരണസമിതിയില്‍ മൂന്നംഗങ്ങളുണ്ട്.