കാര്‍ മരത്തിലിടിച്ച് തലകീഴായി മറിഞ്ഞു: യാത്രക്കാര്‍ അത്ഭുതകരമായി രക്ഷപ്പെട്ടു

സീതാംഗോളി (www.evisionnews.in): നിയന്ത്രണംവിട്ട കാര്‍ മരത്തിലിടിച്ച് തലകീഴായി മറിഞ്ഞ് അഞ്ചുപേര്‍ക്ക് നിസാരമായി പരിക്കേറ്റു. സൂരംബയല്‍ പെര്‍ണെ മുച്ചിലോട്ട് ഭഗവതി ക്ഷേത്രത്തിന് സമീപം ചൊവ്വാഴ്ച രാവിലെയാണ് അപകടം. പുത്തിഗെ മുഗു സ്വദേശികളാണ് അപകടത്തില്‍പെട്ടത്. സീതാംഗോളിയില്‍ നിന്ന് കുമ്പള ഭാഗത്തേക്ക് പോകുന്നതിനിടെയായിരുന്നു അപകടമുണ്ടായത്. അടുത്തിടെ മെക്കാഡം ടാറിംഗ് നടത്തിയ റോഡില്‍ മിനുസമുള്ള ഭാഗത്ത് മഴവെള്ളത്തില്‍ തെന്നി നിയന്ത്രണംവിട്ട കാര്‍ റോഡരികിലെ മരത്തിലിടിച്ച് തല കീഴായി നില്‍ക്കുകയായിരുന്നു.