മാര്‍ച്ച് 21 നാണ് വിനായക ബാലിഗയെ മംഗളൂരു നഗരത്തില്‍ വധിക്കപ്പെട്ടത്. നഗരത്തിലെ പ്രമുഖ ക്ഷേത്രത്തില്‍ നടന്ന കോടികളുടെ വെട്ടിപ്പിനെതിരെ കോടതിയെ സമീപിച്ചതിനാണ് വിനായകയെ വാടക കൊലയാളികളെ വിട്ട് വധിച്ചത് .കേസില്‍ വിനീത് പൂജാരി നിഷിത് ദേവാഡിഗ, ശിവപ്രസാദ് എന്ന ശിവ, ശൈലേഷ് എന്ന ശൈലു, മഞ്ജുനാഥ ഷേണായി എന്നിവര്‍ നേരത്തെ അറസ്റ്റിലായി റിമാന്റിലാണ്. കഴിഞ്ഞ മൂന്നു ദിവസമായി നരേഷ് ഷേണായി കേസന്വേഷിച്ച സിറ്റി ക്രൈംബ്രാഞ്ചിന്റെ വലയിലുണ്ടെന്ന വാര്‍ത്തകള്‍ക്കിടയിലാണ് നരേഷിന്റെ അറസ്റ്റ് വിവരം കമ്മീഷണര്‍ ഇന്നറിയിച്ചത്. കൊലയക്ക് ശേഷം ഒളിവില്‍ പോയ നരേഷ് മുന്‍കൂര്‍ ജാമ്യാപേക്ഷയുമായി കര്‍ണ്ണാടക ഹൈക്കോടതി വരെ എത്തിയെങ്കിലും ഈ അപേക്ഷകള്‍ തള്ളുകയായിരുന്നു.
keywords: Baliga-murder-case-arrest-Naresh-shenai-Manglore
Post a Comment
0 Comments