കാഞ്ഞങ്ങാട്: (www.evisionnews.in) കേരള മെഡിക്കല്‍ യൂണിവേഴ്‌സിറ്റി യൂണിയന്‍ ഉത്തര മേഖലാ കലോല്‍സവം ജൂണ്‍ 28,29,30 തീയ്യതികളില്‍ പെരിയ ആയമ്പാറയിലെ ഉദുമ സീമെറ്റ് നഴ്‌സിംഗ് കോളേജില്‍ നടക്കുമെന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു.
മലപ്പുറം, കോഴിക്കോട്,വയനാട്, കണ്ണുര്‍, കാസര്‍കോട്, ജില്ലകളില്‍ പ്രവര്‍ത്തിക്കുന്ന 90 കോളേജുകളില്‍ നിന്നായി 1500 കലാപ്രതിഭകള്‍ പങ്കെടുക്കും. കെ കുഞ്ഞിരാമന്‍ എംഎല്‍എ ചെയര്‍മാനും അമല്‍ അഹമ്മദ് ജനല്‍ കണ്‍വീനറുമായ സംഘാകസമിതിയുടെ നേതൃത്വത്തില്‍ പ്രവര്‍ത്തനങ്ങള്‍ ആരംഭിച്ചു.
കലോല്‍സവത്തിനായി ദേശാഭിമാനി സീനിയര്‍ ലേഔട്ട് ആര്‍ടിസ്റ്റ് ശ്രീകാന്തും പെരിയ സിമെറ്റ് കേളേജ് വിദ്യാര്‍ത്ഥിയുമായ ഫെമിന്‍ജോണ്‍സിയും രൂപ കല്‍പ്പന ചെയ്ത ലോഗോ കാഞ്ഞങ്ങാട് പ്രസ്‌ഫോറത്തില്‍ നടന്ന ചടങ്ങില്‍ നഗരസഭ ചെയര്‍മാന്‍ വി വി രമേശന്‍ കോളേജ് യൂണിയന്‍ ചെയര്‍മാന്‍ ഹര്‍ഷ കണ്ണനുനല്‍കി പ്രകാശനം ചെയ്തു. മീഡിയ ചെയമാന്‍ മുബീന ലത്തീഫ് അധ്യക്ഷയായി. പഞ്ചായത്ത് വൈസ്പ്രസിഡന്റ് പി കൃഷ്ണന്‍ , കണ്‍വീനര്‍ ബി വൈശാഖ്, വൈ ചെയര്‍മാന്‍ കെ മഹേഷ്, ജീന ജോസ്, ശ്യാം ചന്ദ്രന്‍, കെ എസ് ആതിര, മുഹമ്മദ് അഫ്‌സല്‍, ആല്‍ബിന്‍ എന്നിവര്‍ സംസാരിച്ചു. വൈശാഖ് ശോഭനനന്‍ സ്വാഗതം പറഞ്ഞു.
keywords; Medical-unicersity-kalolsavam-periya-june-28
Post a Comment
0 Comments