കാസര്‍േകാട്: (www.evisionnews.in)സമസ്ത കേരള ഇസ്ലാം മത വിദ്യാഭ്യാസ ബോര്‍ഡ് നടത്തിയ മദ്രസാ പൊതു പരീക്ഷയില്‍ തുരുത്തി മുഹമ്മദിയ്യ മദ്രസയ്ക്ക് മികച്ച വിജയം.5,7,10,12 ക്ലാസ്സുകളില്‍ പരീക്ഷ എഴുതിയ മുഴുവന്‍ വിദ്യാര്‍ത്ഥികളും വിജയിച്ചു.
തുടര്‍ച്ചയായി പത്താം തവണയാണ് നൂറ് ശതമാനം വിജയം നേടുന്നത്. അഞ്ചാം ക്ലാസ്സില്‍ റിഹാന ഫാത്തിമ , ഫാത്തിമത്ത് അജ്‌നാസ്, ആയിശത്ത് ശര്‍മില എന്നിവര്‍ അണങ്കൂര്‍ റൈഞ്ചില്‍ യഥാക്രമം ഒന്നും രണ്ടും മൂന്നും സ്ഥാനങ്ങള്‍ നേടി. ഏഴാം തരത്തില്‍ സഅദുദ്ദീന്‍ ടി.സെഡ് ദേശീയ തലത്തില്‍ ഏഴാം സ്ഥാനവും അണങ്കൂര്‍ റൈഞ്ചില്‍ രണ്ടാം സ്ഥാനവും നേടി. ശുബൈബ ശിറിന്‍ മൂന്നാം സ്ഥാനം നേടി. പത്താം തരത്തില്‍ നഫീസത്ത് ശഹാമ, ഹലീമത്ത് ശബ്‌ന എന്നിവര്‍ അണങ്കൂര്‍ റൈഞ്ചില്‍ രണ്ടും മൂന്നും സ്ഥാനങ്ങള്‍ നേടി. പന്ത്രണ്ടാം ക്ലാസ്സില്‍ മുഹമ്മദ് മിദ് ലാജ്, ഹാമിദ് സിംസാറുല്‍ ഹഖ്, അബ്ദുല്ല .ടി ബി എന്നിവര്‍ യഥാക്രമം അണങ്കൂര്‍ റൈഞ്ചില്‍ ഒന്നും രണ്ടും മൂന്നും സ്ഥാനങ്ങള്‍ നേടി. ആകെ പരീക്ഷ എഴുതിയ 36 വിദ്യാര്‍ത്ഥികളില്‍ 24 പേര്‍ ഡിസ്റ്റിംഗ്ഷനും ഏഴ് പേര്‍ ഫസ്റ്റ് ക്ലാസ്സും നേടി. മികച്ച വിജയം നേടിയ വിദ്യാര്‍ത്ഥികളെയും അധ്യാപകരെയും ജമാഅത്ത് കമ്മിറ്റിയും പി.ടി.എ കമ്മിറ്റിയും അഭിനന്ദിച്ചു.
Post a Comment
0 Comments