പെര്‍ളയില്‍ വീട് കുത്തിത്തുറന്ന് പണ്ടവും പണവും കവര്‍ന്നു

പെര്‍ള: (www.evisionnews.in)  പട്ടാപ്പകല്‍ വീട് കുത്തിത്തുറന്ന് കവര്‍ച്ച. പണവും സ്വര്‍ണാഭരണവും നഷ്ടപ്പെട്ടു. ഇടിയടുക്കയിലെ ഐറിന്‍ ഡിസൂസയുടെ വീട്ടിലാണ് കവര്‍ച്ച നടന്നത്. അലമാരയില്‍ സൂക്ഷിച്ച 31,000 രൂപയും മൂന്നേമുക്കാല്‍ പവന്‍ സ്വര്‍ണാഭരണവുമാണ് കവര്‍ന്നത്. ഐറിന്‍ ഡിസൂസയുടെ പുതിയ വീടിന്റെ പണി നടക്കുന്നതിനാല്‍ ഇതിന് സമീപം താല്‍ക്കാലിക ഷെഡ്ഡ് കെട്ടിയായിരുന്നു താമസിച്ചിരുന്നത്. ഇവിടെയാണ് കവര്‍ച്ച നടന്നത്. 

വ്യാഴാഴ്ച രാവിലെ 9 മണിക്കും 12നുമിടയിലാണ് കവര്‍ച്ച നടന്നതെന്ന് സംശയിക്കുന്നു. ഈ സമയത്ത് വീട്ടുകാരുണ്ടായിരുന്നില്ല. ഐറിന്‍ ഡിസൂസ തിരിച്ചെത്തിയപ്പോഴാണ് കവര്‍ച്ച ശ്രദ്ധയില്‍പെട്ടത്. വീട് നിര്‍മ്മാണാവശ്യത്തിനായി കരുതിവെച്ച പണമാണ് നഷ്ടപ്പെട്ടത്. ബദിയടുക്ക പൊലീസില്‍ പരാതി നല്‍കി.

keywords: Perla-house-theft-