അറുന്നൂറോളം വിദ്യാര്‍ഥിനികള്‍ പഠിക്കുന്ന സ്‌കൂളിന്റെ പ്രവേശന കവാടത്തില്‍ ഏത് നിമിഷവും പൊളിഞ്ഞുവീഴാവുന്ന കെട്ടിടമാണുള്ളത്. ഇതിനരികിലൂടെ വേണം കുട്ടികള്‍ക്ക് സ്‌കൂളിലേക്ക് വരാനും പോകാനും. സ്‌കൂളിന്റെ പില്ലറുകളില്‍ മിക്കതും പൊളിഞ്ഞ നിലയിലാണ്. സണ്‍ഷേയ്ഡിന്റെ ഭാഗങ്ങള്‍ ഇടയ്ക്കിടെ അടര്‍ന്നുവീഴുന്നതും വിദ്യാര്‍ഥിനികള്‍ക്കും അധ്യാപകര്‍ക്കും ഒരുപോലെ ഭീഷണി ഉയര്‍ത്തുന്നു.
ഇക്കാര്യങ്ങള്‍ ചൂണ്ടിക്കാട്ടി സ്‌കൂള്‍ അധികൃതര്‍ ഒരുവര്‍ഷം മുമ്പേ ജില്ലാ വിദ്യാഭ്യാസ ഓഫീസര്‍ക്ക് പരാതി നല്‍കിയിരുന്നു. സ്‌കൂള്‍ വിദ്യാര്‍ഥിനികള്‍ക്ക് സുരക്ഷ ഉറപ്പ് വരുത്തണം എന്നാവശ്യപ്പെട്ട് ഈ പരാതി വിദ്യാഭ്യാസ ഓഫീസ് നഗരസഭ അധികൃതര്‍ക്ക് അയച്ചിരുന്നു.
നഗരസഭാപരിധിയിലെ സര്‍ക്കാര്‍ സ്‌കൂള്‍ കെട്ടിടങ്ങളുടെയെല്ലാം ചുമതലയുള്ള നഗരസഭ അധികൃതര്‍ ഈ പരാതിയില്‍ ഒരുനടപടിയും എടുത്തില്ല. നഗരസഭാ എന്‍ജിനീയര്‍ സ്ഥലത്തെത്തി പരിശോധന നടത്തി വിവരങ്ങള്‍ റിപ്പോര്‍ട്ട് ചെയ്യുകയായിരുന്നു വേണ്ടിയിരുന്നത്. എന്നാല്‍, കാലപ്പഴക്കംകൊണ്ട് പൊളിഞ്ഞുവീഴാറായ കെട്ടിടത്തിന് ഫിറ്റ്‌നസ് സര്‍ട്ടിഫിക്കറ്റ് ലഭിക്കാന്‍ ഇതൊന്നും തടസ്സമായില്ല.
keywords: Kasaragod-girls-highschool-nellikunnu
Post a Comment
0 Comments