ഉദ്ഘാടന പൊതു സമ്മേളനം യു എം അബ്ദു റഹ്മാന്‍ മൗലവിയുടെ അദ്ധ്യക്ഷതയില്‍ ഖാസി ത്വഖാ അഹ്മദ് മുസ്ല്യാര്‍ ഉദ്ഘാടനം ചെയ്തു. കെ കെ അബ്ദുല്ല ഹാജി ഖത്തര്‍, എം എസ് തങ്ങള്‍ മദനി, കീച്ചേരി അബ്ദുല്‍ ഗഫൂര്‍ മൗലവി, കെ മൊയ്തീന്‍ കുട്ടി ഹാജി, ടി.ഡി. അഹ്മദ് ഹാജി, അഡ്വ. സി എന്‍ ഇബ്രാഹീം, ടി.ഡി അബ്ദുറഹ്മാന്‍ ഹാജി തുടങ്ങിയ പ്രമുഖര്‍ സംബന്ധിച്ചു. ഇനിയുള്ള മൂന്നു ദിവസങ്ങളില്‍ ബഹുമുഖ പരിപാടികള്‍ക്ക് ഉദുമ ദാറുല്‍ ഇര്‍ശാദ് കാമ്പസ് സാക്ഷ്യം വഹിക്കും.
ശനി വൈകുന്നേരം 7 മണിക്ക് ഹാഫിള് സ്വാലിഹ് ഹുദവി വളാഞ്ചേരി പ്രഭാഷണം നടത്തും. ഞായര്‍ രാവിലെ 9 മണിക്ക് നടക്കുന്ന സി എം അബ്ദുല്ല മൗലവി രണ്ടാം മെമ്മോറിയല്‍ ലക്ച്ചര്‍ ഹക്കീം ഫൈസി ആദൃശ്ശേരി നടത്തും. തുടര്‍ന്ന് ബഹുസ്വരതയുടെ മാനവിക പക്ഷം എന്ന വിഷയത്തിലുള്ള സെമിനാറില്‍ ഡോ. കെ ടി ഹാരിസ് ഹുദവി, സിദ്ദീഖ് നദ്‌വി ചേരൂര്‍, ഡോ. സലീം നദ്‌വി വെളിയമ്പ്ര, സ്വാമി വിശ്വഭദ്രാനന്ദ ശക്തി ബോധി, ഫാദര്‍ ജോര്‍ജ്ജ് എളുക്കുന്നേല്‍, അഡ്വ. ഓണമ്പിള്ളി മുഹമ്മദ് ഫൈസി തുടങ്ങിയ പ്രഗത്ഭര്‍ വ്യത്യസ്ഥ വിഷയങ്ങളിലായി പേപ്പര്‍ അവതരിപ്പിക്കും. പി. ബി. അബ്ദു റസാഖ് എം എല്‍ എയുടെ അദ്ധ്യക്ഷതയില്‍ കര്‍ണ്ണാടക ആരോഗ്യ മന്ത്രി യു. ടി ഖാദര്‍ സെമിനാറും എന്‍ എ നെല്ലിക്കുന്ന് എം എല്‍ എ മെമ്മോറിയല്‍ ലക്ച്ചറും ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡണ്ട് എ. ജി. സി ബഷീര്‍, പാദൂര്‍ കുഞ്ഞാമു ഹാജി, എം. സി ഖമറുദ്ദീന്‍ എന്നിവര്‍ പങ്കെടുക്കും.
വൈകുന്നേരം അഞ്ചു മണിക്ക് ഇമാദ് സംഗമം അഡ്വ. ഹനീഫ് ഇര്‍ശാദി ഹുദവിയുടെ അദ്ധ്യക്ഷതയില്‍ കെ കെ അബ്ദുല്ല ഹാജി ഖത്തര്‍ ഉദ്ഘാടനം ചെയ്യും. രാത്രി 7 മണിക്ക് ദാറുല്‍ ഇര്‍ശാദ് വിദ്യാര്‍ത്ഥി അബൂബക്കര്‍ പരയങ്ങാനം മുഖ്യ പ്രഭാഷണം നടത്തും. തുടര്‍ന്ന് ദാറുല്‍ ഇര്‍ശാദ് ചട്ടഞ്ചാല്‍ വിദ്യാര്‍ത്ഥികള്‍ ബുര്‍ദ ഖവ്വാലി അവതരിപ്പിക്കും. മജ്‌ലിസുന്നൂര്‍ ആത്മീയ സദസ്സിന് സയ്യിദ് സ്വഫ്‌വാന്‍ തങ്ങള്‍ ഏഴിമല നേതൃത്വം നല്‍കും.
Post a Comment
0 Comments